Search result for "taqaddus-e-ma.aab" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "taqaddus-e-ma.aab"

Nazm MATCHES FOR "taqaddus-e-ma.aab"

Nazm

panch parchhaiyan

aaj baraa-e-faatiha shaam ko jo uThaa.e haath
suurate.n kuchh jhalak pa.Dii.n aa.nsuu.o.n kii ta.Dap ke saath
KHushk vo chehra-e-pidar jism nahiif-o-naa-tavaa.n
haath me.n ra.asha kaa numuud zard jabii.n pe jhurriyaa.n
nuur-e-taqaddus-o-jalaal riish-e-safed se ayaa.n
ziist kii thartharaahaTe.n sham-e-sahar kii daastaa.n

Salam Sandelvi

Nazm

asas

hamaarii saarii zaruurate.n bhii hai.n ek jaisii
mohabbate.n bhii sadaaqate.n bhii
numaa.ishe.n bhii rifaaqate.n bhii
hamaare siino.n me.n zau-fishaa.n hai.n
lahuu kii suurat hamaare andar ravaa.n-davaa.n hai.n
tumhe.n jo Gam hai usii ne aksar mujhe chhu.aa hai
hayaat kaa kaa.enaat kaa Gam
tahaarat-e-vaajibaat kaa Gam
taqaddus-e-iltifaat kaa Gam
magar ye lagtaa hai har qadam par
tamaam sachchaa.iyaa.n pahan kar
dilo.n kii gahraa.iyaa.n pahan kar
vafaa kii parchhaa.iyaa.n pahan kar
hamaare andar hazaar-haa faasle to ab tak bichhe hu.e hai.n
kahii.n usuulo.n kii dhuup dil ko tapaa rahii hai
kahii.n aqaa.ed kii aa.ndhiyaa.n hai.n
kahii.n KHudii raaste kaa patthar
anaa kahii.n sar pe saaya-afgan
na tum hamaare na ham tumhaare
ghuTan hamaare nasiib me.n hai
na jii rahe hai.n na mar rahe hai.n
KHud apne saa.e se Dar rahe hai.n
qariib rah kar judaa judaa hai.n
Gamo.n me.n Duubii ko.ii sadaa hai.n
KHud apne idraak se KHafaa hai.n
pas-e-vafaa naqsh-e-bevafaa hai.n
hamaare andar
abhii bhii sadiyo.n kii duuriyaa.n hai.n
abhii bhii sadiyo.n ke faasle hai.n
adhuure tum bhii adhuure ham bhii
na aas ko.ii sukuun dil kii
na raushnii kaa ko.ii asaasa
kahii.n nahii.n silsila yaqii.n kaa
nasiib hogaa kise KHiraaj-e-nigaah-e-ulfat
kise pata ki kahaa.n milegii zamii.n pe qurbat
tum apne ghar me.n ham apne ghar me.n
udaas tum bhii udaas ham bhii
barahna-paa be-libaas ham bhii
hai.n be-karaa.n faaslo.n kii zad me.n
Gamo.n kii zad me.n
na tum salaamat na ham salaamat
yahii muqaddar yahii sadaaqat
yahii hai bas aaKHirii haqiiqat
ki KHvaab sii lag rahii hai ab raushnii kii saa.at

Naseer Parwaz

Nazm

sukut gulnar ho rahi hai

ufuq kii sii.Dhii utar ke suuraj
sukuut-e-dariyaa ko chuumtaa hai
sukuut gulnaar ho rahii hai
kanaar-e-dariyaa kha.De hu.e sab
daraKHt hairat se dekhte hai.n
sukuut me.n ra.ng
ra.ng me.n chhab
vahii.n pe ko.ii
kanaar-e-dariyaa bichhii hu.ii ret kii darii ko
ulaT ke jaanaa.n
kisii taqaddus-ma.aab saa.at
likhii hu.ii ik
hasiin sii nazm Dhuu.nDhtaa hai

Anwar Shamim

Nazm

hifz-e-ma-taqaddam

kahaa ik bhe.D ne kuchh memano.n se
mire pyaaro hamesha saath reva.D ke raho
tumhaare daa.e.n baa.e.n aage piichhe ko.ii ho
jo Dhaal kii suurat muhaafiz ho

Basir Sultan Kazmi

Nazm

main kaun hun

kis se mafhuum-e-maa-o-man puuchhuu.n
kaun taqdiir-e-husn-o-ishq bataa.e

Muslim Shameem

Nazm

main kaun hun

kis se puuchhuu.n ki jhuuT sach kyaa hai
tiirgii kyaa hai raushnii kyaa hai
kaun me.ayaar-e-KHair-o-shar samjhaa.e
kaun takziib-e-jabr-o-jahl kare
vaqt kis samt hai ravaa.n paiham
vaj.h-e-taKHliiq-o-irtiqaa kyaa hai
zindagii vahm hai haqiiqat hai
shajar-e-dard saaya-e-Gam hai
kis se mafhuum-e-maa-o-man puuchhuu.n
kaun taqdiir-e-husn-o-ishq bataa.e
kis se puuchhuu.n saliib-o-daar kaa raaz
azmat-e-jaam-e-zahr kaun bataa.e
aql-o-daanish pe kufr ke fatve
fikr-o-fan par hai tohmat-e-ilhaad
is taqaddus-ma.aab duniyaa me.n
kis se puuchhuu.n mai.n kaun huu.n kyaa huu.n
ko.ii afsaana ko.ii KHvaab huu.n mai.n
ko.ii tahriir-e-naa-tamaam huu.n mai.n
ko.ii sahraa-e-dard-o-karb huu.n mai.n
KHauf-o-KHadshaat ke jahannum me.n
kitnii sadiyo.n se jal rahaa huu.n mai.n

Muslim Shameem

Nazm

qaumi git

maataa ko parnaam ai maa.n ai maa.n tujh ko salaam

Arzoo Lakhnavi

Nazm

kaif-o-rang

ye mai ye fazaa.e.n ye junuu.n-rez nazaare
ai kaash mujhe ko.ii hasii.n lai me.n pukaare
e.ajaaz hai.n sab merii hii taKH.iil-e-hasii.n kaa
jannat ke nazaare ho.n ki dozaKH ke sharaare
ye kaun mirii ruuh kii gahraa.ii me.n jhuumaa
ye kis ne mire big.De hu.e baal sa.nvaare
kab tak na bahaa.egaa mire haal pe aa.nsuu
o merii mohabbat ke chamakte hu.e taare
barsaataa hu.aa phuul tabassum ke nazar se
aa dil ke shivaale me.n javaanii ko ubhaare
'najma' na gunaahgaar kahii.n mujh ko banaa de
ye bahkii hu.ii raat ye ha.nste hu.e taare

Najma Tasadduq

Nazm

qatil

tumhaare baazuuvaan-e-mar-marii.n
mere liye

Jaun Eliya

Nazm

katik ka chand

kis se is dard-e-judaa.ii kii shikaayat kahiye
yaa.n to siine me.n niystaa.n kaa niystaa.n hogaa
kis se is dil ke uja.Dne kii hikaayat kahiye
sun.ne vaalaa bhii jo hairaa.n nahii.n, hairaa.n hogaa
aisii baato.n se na kuchh baat banegii apnii
suunii aa.nkho.n me.n niraashaa kaa ghulegaa kaajal
KHaalii sapno.n se na auqaat banegii apnii
ye shab-e-maah bhii kaT jaa.egii be-kal be-kal

Ibn۔e۔Insha

Nazm

ye baaten jhuTi baaten hain

ye baat ajiib sunaate ho vo duniyaa se be-aas hu.e
ik naam sunaa aur Gash khaayaa ik zikr pe aap udaas hu.e
vo ilm me.n aflaatuun sune vo sher me.n tulsiidaas hu.e
vo tiis baras ke hote hai.n vo B-A M.A paas hu.e
ye baate.n jhuuTii baate.n hai.n ye logo.n ne phailaa.ii hai.n
tum 'inshaa'-jii kaa naam na lo kyaa 'inshaa'-jii saudaa.ii hai.n

Ibn۔e۔Insha

Nazm

kya dhoka dene aaogi

sab maal nikaalo, le aa.o
ai bastii vaalo le aa.o
ye tan kaa jhuuTaa jaaduu bhii
ye man kii jhuuTii KHushbuu bhii
ye taal banaate aa.nsuu bhii
ye jaal bichhaate gesuu bhii
ye larzish Dolte siine kii
par sach nahii.n bolte siine kii
ye ho.nT bhii, ham se kyaa chorii
kyaa sach-much jhuuTe hai.n gorii?
in ramzo.n me.n in ghaato.n me.n
in va.ado.n me.n in baato.n me.n
kuchh khoT haqiiqat kaa to nahii.n?
kuchh mail sadaaqat kaa to nahii.n?
ye saare dhoke le aa.o
ye pyaare dhoke le aa.o
kyuu.n rakkho KHud se duur hame.n
jo daam kaho manzuur hame.n

Ibn۔e۔Insha

Nazm

dil ek kuTiya dasht kinare

dil ik kuTiyaa dasht kinaare
bastii kaa saa haal nahii.n hai
mukhiyaa piir prohit payaade
in sab kaa janjaal nahii.n hai
naa baniye na seTh na Thaakur
pai.nTh nahii.n chaupaal nahii.n hai
sonaa ruupaa chaukii masnad
ye bhii maal-manaal nahii.n hai
lekin ye jogii dil vaalaa
ai gorii ka.ngaal nahii.n hai
chaaho jo chaahat kaa KHazaanaa
tum aanaa aur tanhaa aanaa

Ibn۔e۔Insha

Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

munni tere dant kahan hain

munnii tere daa.nt kahaa.n hai.n
daa.nt the mai.n ne duudh pilaa kar saat baras me.n paale
aa kar un ko le ga.e chuuhe lambii mo.nchho.n vaale
gu.D kaa un ko maaT milaa thaa miiThaa aur mazedaar
laakh KHushaamad kar ke mujh se le liye daa.nt udhaar
munnii tere daa.nt kahaa.n hai.n
billii thii ik maamii mausii chupke chupke aa.ii
panjo.n par thii deg kii khurchan ho.nTo.n par baalaa.ii
bolii gu.D ke maaT pe mai.n ne chuuhe dekhe chaar
hissa aadho.n-aadh rahegaa de do daa.nt udhaar
munnii tere daa.nt kahaa.n hai.n
ba.ad me.n buu.Dhaa motii aayaa ronii shakl banaa.e
bolaa biibii is billii kaa kuchh to kare.n upaa.e
duudh na chho.De gosht na chho.De hai.n buDDhaa laachaar
is ko karuu.n shikaar jo mujh ko de do daa.nt udhaar
achchhii munnii tum ne apne itne daa.nt ga.nvaa.e
kuchh chuuho.n ne kuchh billii ne kuchh motii ne paa.e
baaqii jo do-chaar rahe hai.n vo ham ko dilvaa.o
ik daavat me.n aaj mile.nge tikke aur polaav
murGii ke paa.e kaa saalan baigan kaa aachaar
dogii yaa kisii aur se maa.nguu.n
haa.n diye udhaar
baabaa haa.n haa.n diye udhaar
munnii tere daa.nt kahaa.n hai.n

Ibn۔e۔Insha

Nazm

ai matawalo! naqon walo!!

ai matavaalo naaqo.n vaalo dete ho kuchh us kaa pataa
najd ke andar majnuu.n naamii ek hamaaraa bhaa.ii thaa
aaKHir us par kyaa kuchh biitii jaano to ahvaal kaho
maut milii yaa lailaa paa.ii? diivaane kaa ma.aal kaho
aql kii baate.n kahne vaale dosto.n ne use samjhaayaa
us ko to lekin chup sii lagii thii naa bolaa naa baaz aayaa
KHair ab us kii baat ko chho.Do diivaanaa phir diivaanaa
jaate jaate ham logo.n kaa ek sandesaa le jaanaa

Ibn۔e۔Insha

Nazm

qurban-gah-e-amn

khet sote hai.n
fazaa me.n kargaso.n kaa ek jhunD
tairtaa aataa hai ma.nDlaataa hu.aa
so.ii zamii.n
aa.nkh me.n tanhaa.iyo.n kii vus.ate.n
jho.npa.Dii me.n ek maa.n
ik javaa.n afsurdagii
siina-e-uryaa.n se lipTaa.e hu.e
ek jaan-e-naa-tavaa.n
aa.nkh par nam ho.nT larzaa.n
pii mirii jaa.n pii
javaa.n ho
muntazir hai terii qurbaa.n-gaah-e-amn

Tasadduq Husain Khalid

Nazm

pyari pyari sabziyan

phuul gobhii sardiyo.n me.n hii mile
saamne pak kar jo aa.e man khile

Yasir Farooq

Nazm

rabta

sah sakegaa na ab mizaaj apnaa
niish-e-vahshat kii dard a.ngezii
apnii aqdaar se tasaadum-KHez
dard-e-ehsaas kii numuu-KHezii

Noor -e-Shama Noor

Nazm

koi dil ki chahat se majbur hai

ko.ii maane na maane magar jaan-e-man
kuchh tumhe.n chaahiye kuchh hame.n chaahiye

Sahir Ludhianvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now