aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Sad

Sadness is a season

of human existence. Life is punctuated by sadness off and on. In classical poetry, sadness has most often been the result of disappointment in love. But there are many other shades of sadness as well. In reality, sadness is an integral part of living that helps us known life in full. Some verses that express various conditions are collected here for your perusal. You may like to have a look.

kar rahā thā ġham-e-jahāñ hisāb

aaj tum yaad be-hisāb aa.e

kar raha tha gham-e-jahan ka hisab

aaj tum yaad be-hisab aae

Faiz Ahmad Faiz

ai mohabbat tire anjām pe ronā aayā

jaane kyuuñ aaj tire naam pe ronā aayā

Love your sad conclusion makes me weep

Wonder why your mention makes me weep

ai mohabbat tere anjam pe rona aaya

jaane kyun aaj tere nam pe rona aaya

Love your sad conclusion makes me weep

Wonder why your mention makes me weep

Shakeel Badayuni

ham to samjhe the ki ham bhuul ga.e haiñ un ko

kyā huā aaj ye kis baat pe ronā aayā

hum to samjhe the ki hum bhul gae hain un ko

kya hua aaj ye kis baat pe rona aaya

Sahir Ludhianvi

terā milnā ḳhushī baat sahī

tujh se mil kar udaas rahtā huuñ

tera milna KHushi ki baat sahi

tujh se mil kar udas rahta hun

Sahir Ludhianvi

ḳhudā itnī baḌī kā.enāt meñ maiñ ne

bas ek shaḳhs ko māñgā mujhe vahī na milā

KHuda ki itni baDi kaenat mein main ne

bas ek shaKHs ko manga mujhe wahi na mila

Bashir Badr

duniyā mahfiloñ se uktā gayā huuñ rab

kyā lutf anjuman jab dil bujh gayā ho

duniya ki mahfilon se ukta gaya hun ya rab

kya lutf anjuman ka jab dil hi bujh gaya ho

Allama Iqbal

kabhī ḳhud pe kabhī hālāt pe ronā aayā

baat niklī to har ik baat pe ronā aayā

kabhi KHud pe kabhi haalat pe rona aaya

baat nikli to har ek baat pe rona aaya

Sahir Ludhianvi

maiñ huuñ dil hai tanhā.ī hai

tum bhī hote achchhā hotā

my loneliness my heart and me

would be nice

main hun dil hai tanhai hai

tum bhi hote achchha hota

my loneliness my heart and me

would be nice

Firaq Gorakhpuri

shaam bhī thī dhuāñ dhuāñ husn bhī thā udaas udaas

dil ko ka.ī kahāniyāñ yaad aa ke rah ga.iiñ

sham bhi thi dhuan dhuan husn bhi tha udas udas

dil ko kai kahaniyan yaad si aa ke rah gain

Firaq Gorakhpuri

ab to ḳhushī ġham hai na ġham ḳhushī mujhe

be-his banā chukī hai bahut zindagī mujhe

ab to KHushi ka gham hai na gham ki KHushi mujhe

be-his bana chuki hai bahut zindagi mujhe

Shakeel Badayuni

ham to kuchh der hañs bhī lete haiñ

dil hamesha udaas rahtā hai

hum to kuchh der hans bhi lete hain

dil hamesha udas rahta hai

Bashir Badr

kaun rotā hai kisī aur ḳhātir ai dost

sab ko apnī kisī baat pe ronā aayā

who does ever weep for others' sake my friend

everybody cries

kaun rota hai kisi aur ki KHatir ai dost

sab ko apni hi kisi baat pe rona aaya

who does ever weep for others' sake my friend

everybody cries

Sahir Ludhianvi

kisī ke tum ho kisī ḳhudā hai duniyā meñ

mire nasīb meñ tum bhī nahīñ ḳhudā bhī nahīñ

kisi ke tum ho kisi ka KHuda hai duniya mein

mere nasib mein tum bhi nahin KHuda bhi nahin

Akhtar Saeed Khan

na jaane kis liye ummīd-vār baiThā huuñ

ik aisī raah pe jo terī rahguzar bhī nahīñ

na jaane kis liye ummid-war baiTha hun

ek aisi rah pe jo teri rahguzar bhi nahin

Faiz Ahmad Faiz

kuchh to havā bhī sard thī kuchh thā tirā ḳhayāl bhī

dil ko ḳhushī ke saath saath hotā rahā malāl bhī

kuchh to hawa bhi sard thi kuchh tha tera KHayal bhi

dil ko KHushi ke sath sath hota raha malal bhi

Parveen Shakir

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya

Nasir Kazmi

ham ġham-zada haiñ laa.eñ kahāñ se ḳhushī ke giit

deñge vahī jo pā.eñge is zindagī se ham

hum gham-zada hain laen kahan se KHushi ke git

denge wahi jo paenge is zindagi se hum

Sahir Ludhianvi

hamāre ghar patā pūchhne se kyā hāsil

udāsiyoñ koī shahriyat nahīñ hotī

hamare ghar ka pata puchhne se kya hasil

udasiyon ki koi shahriyat nahin hoti

Waseem Barelvi

abhī na chheḌ mohabbat ke giit ai mutrib

abhī hayāt māhaul ḳhush-gavār nahīñ

abhi na chheD mohabbat ke git ai mutrib

abhi hayat ka mahaul KHush-gawar nahin

Sahir Ludhianvi

hamāre ghar dīvāroñ pe 'nāsir'

udāsī baal khole so rahī hai

hamare ghar ki diwaron pe 'nasir'

udasi baal khole so rahi hai

Nasir Kazmi

jab huā zikr zamāne meñ mohabbat 'shakīl'

mujh ko apne dil-e-nākām pe ronā aayā

Whenever talk of happiness I hear

My failure and frustration makes me weep

jab hua zikr zamane mein mohabbat ka 'shakil'

mujh ko apne dil-e-nakaam pe rona aaya

Whenever talk of happiness I hear

My failure and frustration makes me weep

Shakeel Badayuni

maiñ ronā chāhtā huuñ ḳhuub ronā chāhtā huuñ maiñ

phir us ke baad gahrī niind sonā chāhtā huuñ maiñ

main rona chahta hun KHub rona chahta hun main

phir us ke baad gahri nind sona chahta hun main

Farhat Ehsas

koī ḳhud-kushī taraf chal diyā

udāsī mehnat Thikāne lagī

koi KHud-kushi ki taraf chal diya

udasi ki mehnat Thikane lagi

Adil Mansuri

chand kaliyāñ nashāt chun kar muddatoñ mahv-e-yās rahtā huuñ

terā milnā ḳhushī baat sahī tujh se mil kar udaas rahtā huuñ

chand kaliyan nashat ki chun kar muddaton mahw-e-yas rahta hun

tera milna KHushi ki baat sahi tujh se mil kar udas rahta hun

Sahir Ludhianvi

ham ko na mil sakā to faqat ik sukūn-e-dil

ai zindagī vagarna zamāne meñ kyā na thā

hum ko na mil saka to faqat ek sukun-e-dil

ai zindagi wagarna zamane mein kya na tha

Azad Ansari

us ne pūchā thā kyā haal hai

aur maiñ sochtā rah gayā

us ne pucha tha kya haal hai

aur main sochta rah gaya

Ajmal Siraj

ġham hai na ab ḳhushī hai na ummīd hai na yaas

sab se najāt paa.e zamāne guzar ga.e

gham hai na ab KHushi hai na ummid hai na yas

sab se najat pae zamane guzar gae

Khumar Barabankavi

dīvāroñ se mil kar ronā achchhā lagtā hai

ham bhī pāgal ho jā.eñge aisā lagtā hai

diwaron se mil kar rona achchha lagta hai

hum bhi pagal ho jaenge aisa lagta hai

Qaisarul Jafri

ishq meñ kaun batā saktā hai

kis ne kis se sach bolā hai

ishq mein kaun bata sakta hai

kis ne kis se sach bola hai

Ahmad Mushtaq

vahī kārvāñ vahī rāste vahī zindagī vahī marhale

magar apne apne maqām par kabhī tum nahīñ kabhī ham nahīñ

wahi karwan wahi raste wahi zindagi wahi marhale

magar apne apne maqam par kabhi tum nahin kabhi hum nahin

Shakeel Badayuni

rone lagtā huuñ mohabbat meñ to kahtā hai koī

kyā tire ashkoñ se ye jañgal harā ho jā.egā

rone lagta hun mohabbat mein to kahta hai koi

kya tere ashkon se ye jangal hara ho jaega

Ahmad Mushtaq

mujh se nafrat hai agar us ko to iz.hār kare

kab maiñ kahtā huuñ mujhe pyaar kartā jaa.e

mujh se nafrat hai agar us ko to izhaar kare

kab main kahta hun mujhe pyar hi karta jae

Iftikhar Naseem

aaj to jaise din ke saath dil bhī ġhurūb ho gayā

shaam chaa.e bhī ga.ī maut ke Dar ke saath saath

aaj to jaise din ke sath dil bhi ghurub ho gaya

sham ki chae bhi gai maut ke Dar ke sath sath

Idris Babar

un ġham un tasavvur un ke shikve ab kahāñ

ab to ye bāteñ bhī ai dil ho ga.iiñ aa.ī ga.ī

un ka gham un ka tasawwur un ke shikwe ab kahan

ab to ye baaten bhi ai dil ho gain aai gai

Sahir Ludhianvi

koī to aisā ghar hotā jahāñ se pyaar mil jaatā

vahī begāne chehre haiñ jahāñ jaa.eñ jidhar jaa.eñ

koi to aisa ghar hota jahan se pyar mil jata

wahi begane chehre hain jahan jaen jidhar jaen

Sahir Ludhianvi

zaḳhm terā muqaddar haiñ dil tujh ko kaun sambhālegā

ai mere bachpan ke sāthī mere saath mar jaanā

zaKHm hi tera muqaddar hain dil tujh ko kaun sambhaalega

ai mere bachpan ke sathi mere sath hi mar jaana

Zeb Ghauri

ye shukr hai ki mire paas terā ġham to rahā

vagarna zindagī bhar ko rulā diyā hotā

ye shukr hai ki mere pas tera gham to raha

wagarna zindagi bhar ko rula diya hota

Gulzar

māyūsī-e-ma.āl-e-mohabbat na pūchhiye

apnoñ se pesh aa.e haiñ begānagī se ham

mayusi-e-maal-e-mohabbat na puchhiye

apnon se pesh aae hain beganagi se hum

Sahir Ludhianvi

is Dūbte sūraj se to ummīd kyā thī

hañs hañs ke sitāroñ ne bhī dil toḌ diyā hai

is Dubte suraj se to ummid hi kya thi

hans hans ke sitaron ne bhi dil toD diya hai

Mahesh Chandra Naqsh

ye aur baat ki chāhat ke zaḳhm gahre haiñ

tujhe bhulāne koshish to varna hai bahut

ye aur baat ki chahat ke zaKHm gahre hain

tujhe bhulane ki koshish to warna ki hai bahut

Mahmood Shaam

supurd kar ke use chāñdnī ke hāthoñ meñ

maiñ apne ghar ke añdheroñ ko lauT ā.ūñgī

supurd kar ke use chandni ke hathon mein

main apne ghar ke andheron ko lauT aaungi

Parveen Shakir

uThte nahīñ haiñ ab to duā ke liye bhī haath

kis darja nā-umīd haiñ parvardigār se

uThte nahin hain ab to dua ke liye bhi hath

kis darja na-umid hain parwardigar se

Akhtar Shirani

ye zindagī jo pukāre to shak hotā hai

kahīñ abhī to mujhe ḳhud-kushī nahīñ karnī

ye zindagi jo pukare to shak sa hota hai

kahin abhi to mujhe KHud-kushi nahin karni

Swappnil Tiwari

is judā.ī meñ tum andar se bikhar jāoge

kisī ma.azūr ko dekhoge to yaad ā.ūñgā

is judai mein tum andar se bikhar jaoge

kisi mazur ko dekhoge to yaad aaunga

Wasi Shah

sab sitāre dilāsa dete haiñ

chāñd rātoñ ko chīḳhtā hai bahut

sab sitare dilasa dete hain

chand raaton ko chiKHta hai bahut

Alok Mishra

vaise to sabhī ne mujhe badnām kiyā hai

bhī koī ilzām lagāne ke liye aa

waise to sabhi ne mujhe badnam kiya hai

tu bhi koi ilzam lagane ke liye aa

Unknown

ab to kuchh bhī yaad nahīñ hai

ham ne tum ko chāhā hogā

ab to kuchh bhi yaad nahin hai

hum ne tum ko chaha hoga

Mazhar Imam

tum miTā sakte nahīñ dil se mirā naam kabhī

phir kitāboñ se miTāne zarūrat kyā hai

tum miTa sakte nahin dil se mera nam kabhi

phir kitabon se miTane ki zarurat kya hai

Unknown

aas kyā ab to umīd-e-nā-ummīdī bhī nahīñ

kaun de mujh ko tasallī kaun bahlā.e mujhe

aas kya ab to umid-e-na-ummidi bhi nahin

kaun de mujh ko tasalli kaun bahlae mujhe

Munshi Amirullah Tasleem

din kisī tarah se kaT jā.egā saḌkoñ pe 'shafaq'

shaam phir aa.egī ham shaam se ghabrā.eñge

din kisi tarah se kaT jaega saDkon pe 'shafaq'

sham phir aaegi hum sham se ghabraenge

Farooq Shafaq

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now