aksar ba-zom-e-tark-e-mohabbat KHudaa gavaah
guzraa chalaa gayaa huu.n dayaar-e-habiib se

tho.Daa hai jis qadar mai.n pa.Dhuu.n KHat habiib kaa
dekhaa hai aaj aa.nkho.n se likkhaa nasiib kaa

kiyaa habiib ko mujh se judaa falak ne magar
na kar sakaa mire dil se Gam-e-habiib judaa

me.n ki tanhaa udaas aavaara
meraa hamdam habiib sannaaTaa

judaa kisii se kisii kaa Garaz habiib na ho
ye daaG vo hai ki dushman ko bhii nasiib na ho

har gaam par hai majma-e-ushshaaq muntazir
maqtal kii raah miltii hai kuu-e-habiib se

dhuup phailii to kahaa diivaar ne jhuk kar mujhe
mil gale mere musaafir, mere saa.e ke habiib

har ek sub.h vazuu kartii hai.n mirii aa.nkhe.n
ki shaayad aaj to aa jaa.e vo habiib nazar

laraz ga.ii tirii lau mere Dagmagaane se
charaaG-e-gosha-e-kuu-e-habiib kyaa kahnaa

jis kaa tujh saa habiib hovegaa
kaun us kaa raqiib hovegaa