بیسٹ آغوش شاعری

ماں کی آغوش میں کل موت کی آغوش میں آج

ہم کو دنیا میں یہ دو وقت سہانے سے ملے

آج آغوش میں تھا اور کوئی

دیر تک ہم تجھے نہ بھول سکے

غم حیات بھی آغوش حسن یار میں ہے

یہ وہ خزاں ہے جو ڈوبی ہوئی بہار میں ہے

آغوش کی حسرت کو بس دل ہی میں ماروں گا

اب ہاتھ تری خاطر پھیلاؤں تو کچھ کہنا

رات دن تو ہے مری آغوش میں

میں ترا ساحل مرا دریا ہے تو

شب کی آغوش میں مہتاب اتارا اس نے

میری آنکھوں میں کوئی خواب اتارا اس نے

یہ روشنی یونہی آغوش میں نہیں آتی

چراغ بن کے منڈیروں پہ جلنا پڑتا ہے

آغوش سیں سجن کے ہمن کوں کیا کنار

ماروں گا اس رقیب کوں چھڑیوں سے گود گود

مری زمیں مجھے آغوش میں سمیٹ بھی لے

نہ آسماں کا رہوں میں نہ آسماں میرا

سوتے میں وہ جو مجھ سے ہم آغوش ہو گئے

جتنے گلے تھے خواب فراموش ہو گئے

دھیان باندھوں ہوں جو میں اس کی ہم آغوشی کا

دیر تک رہتی ہیں مژگاں مری مژگاں سے لپٹ