Best Breakup Shayari

dil abhī puurī tarah TuuTā nahīñ

dostoñ kī mehrbānī chāhiye

dil abhi puri tarah TuTa nahin

doston ki mehrbani chahiye

ek rishta bhī mohabbat kā agar TuuT gayā

dekhte dekhte shīrāza bikhar jaatā hai

ek rishta bhi mohabbat ka agar TuT gaya

dekhte dekhte shiraaza bikhar jata hai

dost ne dil ko toḌ ke naqsh-e-vafā miTā diyā

samjhe the ham jise ḳhalīl ka.aba usī ne Dhā diyā

dost ne dil ko toD ke naqsh-e-wafa miTa diya

samjhe the hum jise KHalil kaba usi ne Dha diya

dil jo TūTegā to ik tarfa charāġhāñ hogā

kitne ā.īnoñ meñ vo shakl dikhā.ī degī

dil jo TuTega to ek tarfa charaghan hoga

kitne aainon mein wo shakl dikhai degi

dil jo TuuTā hai to phir yaad nahīñ hai koī

is ḳharābe meñ ab ābād nahīñ hai koī

dil jo TuTa hai to phir yaad nahin hai koi

is KHarabe mein ab aabaad nahin hai koi

dil toḌ diyā tum ne merā ab joḌ chuke tum TuuTe ko

vo kaam nihāyat āsāñ thā ye kaam balā kā mushkil hai

dil toD diya tum ne mera ab joD chuke tum TuTe ko

wo kaam nihayat aasan tha ye kaam bala ka mushkil hai

ham jo TuuTe haiñ batā haar bhalā kis kī huī

zindagī terī uThā.ī huī saugand the ham

hum jo TuTe hain bata haar bhala kis ki hui

zindagi teri uThai hui saugand the hum

dil Duub gayā TuuT gayā sabr kā lañgar

ho kashtī-e-tan kyuuñ na pareshān-e-talātum

dil Dub gaya TuT gaya sabr ka langar

ho kashti-e-tan kyun na pareshan-e-talatum

dil toḌne vaale ko ḳhabar ho ki abhī maiñ

sar-tā-ba-qadam ik dil-e-bīmār nahīñ huuñ

dil toDne wale ko KHabar ho ki abhi main

sar-ta-ba-qadam ek dil-e-bimar nahin hun

dil aisā makāñ hai jo agar TuuT gayā to

lag jā.eñgī sadiyāñ na.ī ta.amīr meñ likh de

dil aisa makan hai jo agar TuT gaya to

lag jaengi sadiyan nai tamir mein likh de