Best Dhadkan Shayari

is tarah nigāheñ mat phero, aisā na ho dhaḌkan ruk jaa.e

siine meñ koī patthar to nahīñ ehsās kā mārā, dil hī to hai

is tarah nigahen mat phero, aisa na ho dhaDkan ruk jae

sine mein koi patthar to nahin ehsas ka mara, dil hi to hai

ye sardiyoñ kā udaas mausam ki dhaḌkaneñ barf ho ga.ī haiñ

jab un kī yaḳh-bastagī parakhnā tamāzateñ bhī shumār karnā

ye sardiyon ka udas mausam ki dhaDkanen barf ho gai hain

jab un ki yaKH-bastagi parakhna tamazaten bhi shumar karna

parastish kī hai merī dhaḌkanoñ ne

tujhe maiñ ne faqat chāhā nahīñ hai

parastish ki hai meri dhaDkanon ne

tujhe main ne faqat chaha nahin hai

dil kī dhaḌkan bhī baḌī chiiz hai tanhā.ī meñ

terī khoī huī āvāz sunā karte haiñ

dil ki dhaDkan bhi baDi chiz hai tanhai mein

teri khoi hui aawaz suna karte hain

ab to saaf suntā huuñ apne dil kī har dhaḌkan

aur kyā dikhā.egī ye tavīl tanhā.ī

ab to saf sunta hun apne dil ki har dhaDkan

aur kya dikhaegi ye tawil tanhai

dil kī dhaḌkan bhī hai un ko nāgavār

un se kuchh kahne kī jur.at kyā kareñ

dil ki dhaDkan bhi hai un ko nagawar

un se kuchh kahne ki jurat kya karen

har ek lahza mirī dhaḌkanoñ meñ chubhtī thī

ajiib chiiz mire dil ke ās-pās rahī

har ek lahza meri dhaDkanon mein chubhti thi

ajib chiz mere dil ke aas-pas rahi

dil kī dhaḌkan mire māthe kī shikan hai ki nahīñ

rūh-e-taqdīr samajh ālam-e-taqdīr na dekh

dil ki dhaDkan mere mathe ki shikan hai ki nahin

ruh-e-taqdir samajh aalam-e-taqdir na dekh