Na jaane kis gali mein zindagi ki shaam ho jaaye: Bashir Badr

ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

kuchh to majbūriyāñ rahī hoñgī

yuuñ koī bevafā nahīñ hotā

kuchh to majburiyan rahi hongi

yun koi bewafa nahin hota

na jī bhar ke dekhā na kuchh baat kī

baḌī aarzū thī mulāqāt kī

na ji bhar ke dekha na kuchh baat ki

baDi aarzu thi mulaqat ki

ham bhī dariyā haiñ hameñ apnā hunar mālūm hai

jis taraf bhī chal paḌeñge rāsta ho jā.egā

hum bhi dariya hain hamein apna hunar malum hai

jis taraf bhi chal paDenge rasta ho jaega

musāfir haiñ ham bhī musāfir ho tum bhī

kisī moḌ par phir mulāqāt hogī

musafir hain hum bhi musafir ho tum bhi

kisi moD par phir mulaqat hogi

zindagī tū ne mujhe qabr se kam dī hai zamīñ

paañv phailā.ūñ to dīvār meñ sar lagtā hai

zindagi tu ne mujhe qabr se kam di hai zamin

panw phailaun to diwar mein sar lagta hai

baḌe logoñ se milne meñ hamesha fāsla rakhnā

jahāñ dariyā samundar se milā dariyā nahīñ rahtā

baDe logon se milne mein hamesha fasla rakhna

jahan dariya samundar se mila dariya nahin rahta

jis din se chalā huuñ mirī manzil pe nazar hai

āñkhoñ ne kabhī miil kā patthar nahīñ dekhā

jis din se chala hun meri manzil pe nazar hai

aankhon ne kabhi mil ka patthar nahin dekha

koī haath bhī na milā.egā jo gale miloge tapāk se

ye na.e mizāj kā shahr hai zarā fāsle se milā karo

koi hath bhi na milaega jo gale miloge tapak se

ye nae mizaj ka shahr hai zara fasle se mila karo

yahāñ libās kī qīmat hai aadmī kī nahīñ

mujhe gilās baḌe de sharāb kam kar de

yahan libas ki qimat hai aadmi ki nahin

mujhe gilas baDe de sharab kam kar de

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein

tumheñ zarūr koī chāhatoñ se dekhegā

magar vo āñkheñ hamārī kahāñ se lā.egā

tumhein zarur koi chahaton se dekhega

magar wo aankhen hamari kahan se laega

mohabbatoñ meñ dikhāve kī dostī na milā

agar gale nahīñ miltā to haath bhī na milā

mohabbaton mein dikhawe ki dosti na mila

agar gale nahin milta to hath bhi na mila

ye phuul mujhe koī virāsat meñ mile haiñ

tum ne mirā kāñToñ bharā bistar nahīñ dekhā

ye phul mujhe koi wirasat mein mile hain

tum ne mera kanTon bhara bistar nahin dekha

ḳhudā kī itnī baḌī kā.enāt meñ maiñ ne

bas ek shaḳhs ko māñgā mujhe vahī na milā

KHuda ki itni baDi kaenat mein main ne

bas ek shaKHs ko manga mujhe wahi na mila

muḳhālifat se mirī shaḳhsiyat sañvartī hai

maiñ dushmanoñ kā baḌā ehtirām kartā huuñ

muKHalifat se meri shaKHsiyat sanwarti hai

main dushmanon ka baDa ehtiram karta hun

shohrat kī bulandī bhī pal bhar kā tamāshā hai

jis Daal pe baiThe ho vo TuuT bhī saktī hai

shohrat ki bulandi bhi pal bhar ka tamasha hai

jis Dal pe baiThe ho wo TuT bhi sakti hai

ham to kuchh der hañs bhī lete haiñ

dil hamesha udaas rahtā hai

hum to kuchh der hans bhi lete hain

dil hamesha udas rahta hai

patthar mujhe kahtā hai mirā chāhne vaalā

maiñ mom huuñ us ne mujhe chhū kar nahīñ dekhā

patthar mujhe kahta hai mera chahne wala

main mom hun us ne mujhe chhu kar nahin dekha

sar jhukāoge to patthar devtā ho jā.egā

itnā mat chāho use vo bevafā ho jā.egā

sar jhukaoge to patthar dewta ho jaega

itna mat chaho use wo bewafa ho jaega

maiñ jab so jā.ūñ in āñkhoñ pe apne hoñT rakh denā

yaqīñ aa jā.egā palkoñ tale bhī dil dhaḌaktā hai

main jab so jaun in aankhon pe apne honT rakh dena

yaqin aa jaega palkon tale bhi dil dhaDakta hai

uḌne do parindoñ ko abhī shoḳh havā meñ

phir lauT ke bachpan ke zamāne nahīñ aate

uDne do parindon ko abhi shoKH hawa mein

phir lauT ke bachpan ke zamane nahin aate

log TuuT jaate haiñ ek ghar banāne meñ

tum taras nahīñ khāte bastiyāñ jalāne meñ

log TuT jate hain ek ghar banane mein

tum taras nahin khate bastiyan jalane mein

gharoñ pe naam the nāmoñ ke saath ohde the

bahut talāsh kiyā koī aadmī na milā

gharon pe nam the namon ke sath ohde the

bahut talash kiya koi aadmi na mila

unhīñ rāstoñ ne jin par kabhī tum the saath mere

mujhe rok rok pūchhā tirā ham-safar kahāñ hai

unhin raston ne jin par kabhi tum the sath mere

mujhe rok rok puchha tera ham-safar kahan hai

abhī raah meñ ka.ī moḌ haiñ koī aa.egā koī jā.egā

tumheñ jis ne dil se bhulā diyā use bhūlne kī duā karo

abhi rah mein kai moD hain koi aaega koi jaega

tumhein jis ne dil se bhula diya use bhulne ki dua karo

tumhāre saath ye mausam farishtoñ jaisā hai

tumhāre baa'd ye mausam bahut satā.egā

tumhaare sath ye mausam farishton jaisa hai

tumhaare ba'd ye mausam bahut sataega

agar talāsh karūñ koī mil hī jā.egā

magar tumhārī tarah kaun mujh ko chāhegā

agar talash karun koi mil hi jaega

magar tumhaari tarah kaun mujh ko chahega

agar fursat mile paanī kī tahrīroñ ko paḌh lenā

har ik dariyā hazāroñ saal kā afsāna likhtā hai

agar fursat mile pani ki tahriron ko paDh lena

har ek dariya hazaron sal ka afsana likhta hai

charāġhoñ ko āñkhoñ meñ mahfūz rakhnā

baḌī duur tak raat hī raat hogī

charaghon ko aankhon mein mahfuz rakhna

baDi dur tak raat hi raat hogi

isī shahr meñ ka.ī saal se mire kuchh qarībī aziiz haiñ

unheñ merī koī ḳhabar nahīñ mujhe un kā koī pata nahīñ

isi shahr mein kai sal se mere kuchh qaribi aziz hain

unhen meri koi KHabar nahin mujhe un ka koi pata nahin

ajab charāġh huuñ din raat jaltā rahtā huuñ

maiñ thak gayā huuñ havā se kaho bujhā.e mujhe

ajab charagh hun din raat jalta rahta hun

main thak gaya hun hawa se kaho bujhae mujhe

āñkhoñ meñ rahā dil meñ utar kar nahīñ dekhā

kashtī ke musāfir ne samundar nahīñ dekhā

aankhon mein raha dil mein utar kar nahin dekha

kashti ke musafir ne samundar nahin dekha

dil kī bastī purānī dillī hai

jo bhī guzrā hai us ne luuTā hai

dil ki basti purani dilli hai

jo bhi guzra hai us ne luTa hai

lahja ki jaise sub.h kī ḳhushbū azaan de

jī chāhtā hai maiñ tirī āvāz chuum luuñ

lahja ki jaise subh ki KHushbu azan de

ji chahta hai main teri aawaz chum lun

hai ajiib shahr kī zindagī na safar rahā na qayām hai

kahīñ kārobār sī dopahar kahīñ bad-mizāj sī shaam hai

hai ajib shahr ki zindagi na safar raha na qayam hai

kahin karobar si dopahar kahin bad-mizaj si sham hai

maiñ tamām din kā thakā huā tū tamām shab kā jagā huā

zarā Thahar jā isī moḌ par tere saath shaam guzār luuñ

main tamam din ka thaka hua tu tamam shab ka jaga hua

zara Thahar ja isi moD par tere sath sham guzar lun

us ne chhū kar mujhe patthar se phir insān kiyā

muddatoñ baa'd mirī āñkhoñ meñ aañsū aa.e

us ne chhu kar mujhe patthar se phir insan kiya

muddaton ba'd meri aankhon mein aansu aae

bahut ajiib hai ye qurbatoñ kī duurī bhī

vo mere saath rahā aur mujhe kabhī na milā

bahut ajib hai ye qurbaton ki duri bhi

wo mere sath raha aur mujhe kabhi na mila

be-vaqt agar jā.ūñgā sab chauñk paḌeñge

ik umr huī din meñ kabhī ghar nahīñ dekhā

be-waqt agar jaunga sab chaunk paDenge

ek umr hui din mein kabhi ghar nahin dekha

ye ek peḌ hai aa is se mil ke ro leñ ham

yahāñ se tere mire rāste badalte haiñ

ye ek peD hai aa is se mil ke ro len hum

yahan se tere mere raste badalte hain

kabhī to shaam Dhale apne ghar ga.e hote

kisī kī aañkh meñ rah kar sañvar ga.e hote

kabhi to sham Dhale apne ghar gae hote

kisi ki aankh mein rah kar sanwar gae hote

pahlī baar nazroñ ne chāñd bolte dekhā

ham javāb kyā dete kho ga.e savāloñ meñ

pahli bar nazron ne chand bolte dekha

hum jawab kya dete kho gae sawalon mein

vo itr-dān sā lahja mire buzurgoñ kā

rachī-basī huī urdu zabān kī ḳhushbū

wo itr-dan sa lahja mere buzurgon ka

rachi-basi hui urdu zaban ki KHushbu

ḳhudā kī us ke gale meñ ajiib qudrat hai

vo boltā hai to ik raushnī sī hotī hai

KHuda ki us ke gale mein ajib qudrat hai

wo bolta hai to ek raushni si hoti hai

ajiib raat thī kal tum bhī aa ke lauT ga.e

jab aa ga.e the to pal bhar Thahar ga.e hote

ajib raat thi kal tum bhi aa ke lauT gae

jab aa gae the to pal bhar Thahar gae hote

kabhī yuuñ bhī aa mirī aañkh meñ ki mirī nazar ko ḳhabar na ho

mujhe ek raat navāz de magar is ke baad sahar na ho

kabhi yun bhi aa meri aankh mein ki meri nazar ko KHabar na ho

mujhe ek raat nawaz de magar is ke baad sahar na ho

ijāzat ho to maiñ ik jhuuT bolūñ

mujhe duniyā se nafrat ho ga.ī hai

ijazat ho to main ek jhuT bolun

mujhe duniya se nafrat ho gai hai

gale meñ us ke ḳhudā kī ajiib barkat hai

vo boltā hai to ik raushnī sī hotī hai

gale mein us ke KHuda ki ajib barkat hai

wo bolta hai to ek raushni si hoti hai

hañs paḌī shaam kī udaas fazā

is tarah chaa.e kī pyālī hañsī

hans paDi sham ki udas faza

is tarah chae ki pyali hansi