Political Satire: 20 Couplets of Akbar Allahabadi
ham aah bhī karte haiñ to ho jaate haiñ badnām
vo qatl bhī karte haiñ to charchā nahīñ hotā
I do suffer slander, when I merely sigh
she gets away with murder, no mention of it nigh
hum aah bhi karte hain to ho jate hain badnam
wo qatl bhi karte hain to charcha nahin hota
I do suffer slander, when I merely sigh
she gets away with murder, no mention of it nigh
-
Tags : Famous shayariand 3 more
maz.habī bahs maiñ ne kī hī nahīñ
fāltū aql mujh meñ thī hī nahīñ
from sectarian debate refrained
for I was not so scatter-brained
mazhabi bahs main ne ki hi nahin
faltu aql mujh mein thi hi nahin
from sectarian debate refrained
for I was not so scatter-brained
-
Tags : Ilmand 1 more
khīñcho na kamānoñ ko na talvār nikālo
jab top muqābil ho to aḳhbār nikālo
neither bow and arrow nor a sword do you require
pubish a newspaper when faced with cannon fire
khincho na kamanon ko na talwar nikalo
jab top muqabil ho to aKHbar nikalo
neither bow and arrow nor a sword do you require
pubish a newspaper when faced with cannon fire
coat aur patlūn jab pahnā to mister ban gayā
jab koī taqrīr kī jalse meñ leader ban gayā
donning fancy clothes beame a gentlean avowed
and turned into a leader on speaking to a crowd,
coat aur patlun jab pahna to mister ban gaya
jab koi taqrir ki jalse mein leader ban gaya
donning fancy clothes beame a gentlean avowed
and turned into a leader on speaking to a crowd,
-
Tag : Tanz-o-Mizah
qaum ke ġham meñ dinner khāte haiñ hukkām ke saath
rañj leader ko bahut hai magar ārām ke saath
qaum ke gham mein dinner khate hain hukkaam ke sath
ranj leader ko bahut hai magar aaram ke sath
leaderoñ kī dhuum hai aur follower koī nahīñ
sab to general haiñ yahāñ āḳhir sipāhī kaun hai
leaderon ki dhum hai aur follower koi nahin
sab to general hain yahan aaKHir sipahi kaun hai
sidhāreñ shaiḳh ka.aba ko ham inglistān dekheñge
vo dekheñ ghar ḳhudā kā ham ḳhudā kī shaan dekheñge
sidhaaren shaiKH kaba ko hum inglistan dekhenge
wo dekhen ghar KHuda ka hum KHuda ki shan dekhenge
naukaroñ par jo guzartī hai mujhe ma.alūm hai
bas karam kiije mujhe bekār rahne dījiye
naukaron par jo guzarti hai mujhe malum hai
bas karam kije mujhe bekar rahne dijiye
agar maz.hab ḳhalal-andāz hai mulkī maqāsid meñ
to shaiḳh o barhaman pinhāñ raheñ dair o masājid meñ
agar mazhab KHalal-andaz hai mulki maqasid mein
to shaiKH o barhaman pinhan rahen dair o masajid mein
masjid kā hai ḳhayāl na parvā-e-church hai
jo kuchh hai ab to college-o-teacher meñ ḳharch hai
masjid ka hai KHayal na parwa-e-church hai
jo kuchh hai ab to college-o-teacher mein KHarch hai
chashm-e-jahāñ se hālat-e-aslī chhupī nahīñ
aḳhbār meñ jo chāhiye vo chhāp dījiye
chashm-e-jahan se haalat-e-asli chhupi nahin
aKHbar mein jo chahiye wo chhap dijiye
shaiḳh sāhab ḳhudā se Darte hoñ
maiñ to añgrezoñ hī se Dartā huuñ
shaiKH sahab KHuda se Darte hon
main to angrezon hi se Darta hun
urūj-e-qaumī zavāl-e-qaumī ḳhudā kī qudrat ke haiñ karishme
hamesha radd-o-badal ke andar ye amr political rahā hai
uruj-e-qaumi zawal-e-qaumi KHuda ki qudrat ke hain karishme
hamesha radd-o-badal ke andar ye amr political raha hai
maulvī sāhib na chhoḌeñge ḳhudā go baḳhsh de
gher hī leñge police vaale sazā ho yā na ho
maulwi sahib na chhoDenge KHuda go baKHsh de
gher hi lenge police wale saza ho ya na ho
maza hai spēch kā dinner meñ ḳhabar ye chhaptī hai pionēr meñ
falak kī gardish ke saath hī saath kaam yāroñ kā chal rahā hai
maza hai speech ka dinner mein KHabar ye chhapti hai pioneer mein
falak ki gardish ke sath hi sath kaam yaron ka chal raha hai
kuchh san.at o hirfat pe bhī lāzim hai tavajjoh
āḳhir ye government se tanḳhvāh kahāñ tak
kuchh sanat o hirfat pe bhi lazim hai tawajjoh
aaKHir ye gowernment se tanKHwah kahan tak
kho ga.ī hind kī firdaus-nishānī 'akbar'
kaash ho jaa.e koī 'milton'-e-sānī paidā
kho gai hind ki firdaus-nishani 'akbar'
kash ho jae koi 'milton'-e-sani paida
membarī se aap par to vārnish ho jā.egī
qaum kī hālat meñ kuchh is se jilā ho yā na ho
membari se aap par to warnish ho jaegi
qaum ki haalat mein kuchh is se jila ho ya na ho
kyuuñ civil-surgeon kā aanā roktā hai ham-nashīñ
is meñ hai ik baat honour kī shifā ho yā na ho
kyun ciwil-surgeon ka aana rokta hai ham-nashin
is mein hai ek baat honour ki shifa ho ya na ho