باقی صدیقی کے 10 منتخب شعر

تم زمانے کی راہ سے آئے

ورنہ سیدھا تھا راستہ دل کا

کشتیاں ٹوٹ گئی ہیں ساری

اب لیے پھرتا ہے دریا ہم کو

باقیؔ جو چپ رہوگے تو اٹھیں گی انگلیاں

ہے بولنا بھی رسم جہاں بولتے رہو

ہر نئے حادثے پہ حیرانی

پہلے ہوتی تھی اب نہیں ہوتی

رہنے دو کہ اب تم بھی مجھے پڑھ نہ سکو گے

برسات میں کاغذ کی طرح بھیگ گیا ہوں

زندگی کی بساط پر باقیؔ

موت کی ایک چال ہیں ہم لوگ

ایک پل میں وہاں سے ہم اٹھے

بیٹھنے میں جہاں زمانے لگے

وقت کے پاس ہیں کچھ تصویریں

کوئی ڈوبا ہے کہ ابھرا دیکھو

ہم کہ شعلہ بھی ہیں اور شبنم بھی

تو نے کس رنگ میں دیکھا ہم کو

خود فریبی سی خود فریبی ہے

پاس کے ڈھول بھی سہانے لگے