جوشش عظیم آبادی کے 10 منتخب شعر

دھیان میں اس کے فنا ہو کر کوئی منہ دیکھ لے

دل وہ آئینہ نہیں جو ہر کوئی منہ دیکھ لے

احوال دیکھ کر مری چشم پر آب کا

دریا سے آج ٹوٹ گیا دل حباب کا

اس کے رخسار پر کہاں ہے زلف

شعلۂ حسن کا دھواں ہے زلف

تجھ سے ہم بزم ہوں نصیب کہاں

تو کہاں اور میں غریب کہاں

اللہ تا قیامت تجھ کو رکھے سلامت

کیا کیا ستم نہ دیکھے ہم نے ترے کرم سے

جو آنکھوں میں پھرتا ہے پھرے آنکھوں کے آگے

آسان خدا کر دے یہ دشوار محبت

شرط انداز ہے اگر آئے

بات چھوٹی ہو یا بڑی منہ پر

جو ترے سامنے آئے ہیں سو کم ٹھہرے ہیں

یہ ہمارا ہی کلیجہ ہے کہ ہم ٹھہرے ہیں

چشم وحدت سے گر کوئی دیکھے

بت پرستی بھی حق پرستی ہے

وہ ماہ بھر کے جام مے ناب لے گیا

اک دم میں آفتاب کو مہتاب لے گیا