Top 10 couplets of Meer Mehdi Majrooh
Prominent later classical poet and a beloved desciple of Ghalib.
churā ke muTThī meñ dil ko chhupā.e baiThe haiñ
bahānā ye hai ki mehñdī lagā.e baiThe haiñ
my stolen heart in your palm you hide
with the excuse its henna you've applied
chura ke muTThi mein dil ko chhupae baiThe hain
bahana ye hai ki mehndi lagae baiThe hain
my stolen heart in your palm you hide
with the excuse its henna you've applied
kyā hamārī namāz kyā roza
baḳhsh dene ke sau bahāne haiñ
kya hamari namaz kya roza
baKHsh dene ke sau bahane hain
ġhairoñ ko bhalā samjhe aur mujh ko burā jaanā
samjhe bhī to kyā samjhe jaanā bhī to kyā jaanā
ghairon ko bhala samjhe aur mujh ko bura jaana
samjhe bhi to kya samjhe jaana bhi to kya jaana
shaġhl-e-ulfat ko jo ahbāb burā kahte haiñ
kuchh samajh meñ nahīñ aatā ki ye kyā kahte haiñ
shaghl-e-ulfat ko jo ahbab bura kahte hain
kuchh samajh mein nahin aata ki ye kya kahte hain
ye jo chupke se aa.e baiThe haiñ
laakh fitne uThā.e baiThe haiñ
ye jo chupke se aae baiThe hain
lakh fitne uThae baiThe hain
jaan insāñ kī lene vāloñ meñ
ek hai maut dūsrā hai ishq
jaan insan ki lene walon mein
ek hai maut dusra hai ishq
apnī kashtī kā hai ḳhudā hāfiz
pīchhe tūfāñ hai sāmne girdāb
apni kashti ka hai KHuda hafiz
pichhe tufan hai samne girdab
hazāroñ ghar hue haiñ is se vīrāñ
rahe ābād sarkār-e-mohabbat
hazaron ghar hue hain is se viran
rahe aabaad sarkar-e-mohabbat
ye kyā ki hamīñ marte raheñ lutf to jab hai
tāsīr-e-mohabbat jo idhar ho to udhar bhī
ye kya ki hamin marte rahen lutf to jab hai
tasir-e-mohabbat jo idhar ho to udhar bhi
zāhid piyāla thaam jhijhaktā hai kis liye
is muft kī sharāb ke piine se Dar nahīñ
zahid piyala tham jhijhakta hai kis liye
is muft ki sharab ke pine se Dar nahin