Top 10 couplets of Taban Abdul Hai
Famous for his good looks apart from poetry. Died at a young age.
kis kis tarah kī dil meñ guzartī haiñ hasrateñ
hai vasl se ziyāda mazā intizār kā
kis kis tarah ki dil mein guzarti hain hasraten
hai wasl se ziyaada maza intizar ka
mohabbat tū mat kar dil us bevafā se
dil us bevafā se mohabbat tū mat kar
mohabbat tu mat kar dil us bewafa se
dil us bewafa se mohabbat tu mat kar
jab talak rahe jiitā chāhiye hañse bole
aadmī ko chup rahnā maut kī nishānī hai
jab talak rahe jita chahiye hanse bole
aadmi ko chup rahna maut ki nishani hai
le merī ḳhabar chashm mire yaar kī kyūñ-kar
bīmār ayādat kare bīmār kī kyūñ-kar
le meri KHabar chashm mere yar ki kyun-kar
bimar ayaadat kare bimar ki kyun-kar
yaar rūThā hai mirā us ko manā.ūñ kis tarah
minnateñ kar paañv paḌ us ke le aa.uuñ kis tarah
yar ruTha hai mera us ko manaun kis tarah
minnaten kar panw paD us ke le aaun kis tarah
maiñ ho ke tire ġham se nāshād bahut royā
rātoñ ke ta.iiñ kar ke fariyād bahut royā
main ho ke tere gham se nashad bahut roya
raaton ke tain kar ke fariyaad bahut roya
mujhe aatā hai ronā aisī tanhā.ī pe ai 'tābāñ'
na yaar apnā na dil apnā na tan apnā na jaañ apnā
mujhe aata hai rona aisi tanhai pe ai 'taban'
na yar apna na dil apna na tan apna na jaan apna
ḳhudā deve agar qudrat mujhe to zid hai zāhid kī
jahāñ tak masjideñ haiñ maiñ banā.ūñ toḌ but-ḳhāna
KHuda dewe agar qudrat mujhe to zid hai zahid ki
jahan tak masjiden hain main banaun toD but-KHana
īmān o diiñ se 'tābāñ' kuchh kaam nahīñ hai ham ko
saaqī ho aur mai ho duniyā ho aur ham hoñ
iman o din se 'taban' kuchh kaam nahin hai hum ko
saqi ho aur mai ho duniya ho aur hum hon
ai mard-e-ḳhudā ho tū parastār butāñ kā
maz.hab meñ mire kufr hai inkār butāñ kā
ai mard-e-KHuda ho tu parastar butan ka
mazhab mein mere kufr hai inkar butan ka