True Love Shayari

jise ishq kā tiir kaarī lage

use zindagī kyuuñ na bhārī lage

jise ishq ka tir kari lage

use zindagi kyun na bhaari lage

ishq udāsī ke paiġhām to laatā rahtā hai din raat

lekin ham ko ḳhush rahne kī aadat bahut ziyāda hai

ishq udasi ke paigham to lata rahta hai din raat

lekin hum ko KHush rahne ki aadat bahut ziyaada hai

itnī to dīd-e-ishq kī tāsīr dekhiye

jis samt dekhiye tirī tasvīr dekhiye

itni to did-e-ishq ki tasir dekhiye

jis samt dekhiye teri taswir dekhiye

ishq jab tak na ās-pās rahā

husn tanhā rahā udaas rahā

ishq jab tak na aas-pas raha

husn tanha raha udas raha

shaġhl behtar hai ishq-bāzī kā

kyā haqīqī o kyā majāzī kā

shaghl behtar hai ishq-bazi ka

kya haqiqi o kya majazi ka

siine meñ mire dāġh-e-ġham-e-ishq-e-nabī hai

ik gauhar-e-nāyāb mire haath lagā hai

sine mein mere dagh-e-gham-e-ishq-e-nabi hai

ek gauhar-e-nayab mere hath laga hai

hamāre ishq se dard-e-jahāñ ibārat hai

hamārā ishq havas se buland-o-bālā hai

hamare ishq se dard-e-jahan ibarat hai

hamara ishq hawas se buland-o-baala hai

hamīñ se anjuman-e-ishq mo'tabar Thahrī

hamīñ ko sauñpī ga.ī ġham kī pāsbānī bhī

hamin se anjuman-e-ishq mo'tabar Thahri

hamin ko saunpi gai gham ki pasbani bhi

jo rañg-e-ishq se fāriġh ho us ko dil nahīñ kahte

jo maujoñ se na Takrā.e use sāhil nahīñ kahte

jo rang-e-ishq se farigh ho us ko dil nahin kahte

jo maujon se na Takrae use sahil nahin kahte

ishq kyā shai hai husn hai kyā chiiz

kuchh idhar kī hai kuchh udhar kī aag

ishq kya shai hai husn hai kya chiz

kuchh idhar ki hai kuchh udhar ki aag