سرشک آشفتہ سر تھا قطرہ زن مژگاں سے جانے میں
دلچسپ معلومات
۱۸۱۶ء
سرشک آشفتہ سر تھا قطرہ زن مژگا ں سے جانے میں
رہے یاں شوخی رفتار سے پا آستانے میں
ہجوم مژدۂ دیدار و پرواز تماشا ہا
گل اقبال خس ہے چشم بلبل آشیانے میں
ہوئی یہ بیخودی چشم و زباں کو تیرے جلوے سے
کہ طوطی قفل زنگ آلودہ ہے آئینہ خانے میں
ترے کوچے میں بنے مشاطہ واماندگی قاصد
پر پرواز زلف ناز ہے ہدہد کے شانے میں
کجا معزولی آئینہ کو ترک خود آرائی
نمدور آب ہے اے سادہ پرکار اس بہانے میں
بحکم عجز ابروے مہ نو حیرت ایما ہے
کہ یاں گم کر جبیں سجدہ فرسا آستانے میں
قیامت ہے کہ سن لیلیٰ کا دشت قیس میں آنا
تعجب سے وہ بولا یوں بھی ہوتا ہے زمانے میں
دل نازک پہ اس کے رحم آتا ہے مجھے غالبؔ
نہ کر سر گرم اس کافر کی الفت آزمانے میں
مأخذ:
دیوان غالب جدید (Pg. 261)
- مصنف: مرزا غالب
-
- ناشر: مدھیہ پردیش اردو اکیڈمی، بھوپال
- سن اشاعت: 1982
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
