Sher on Mohabbat

chāhat ke badle meñ ham bech deñ apnī marzī tak

koī mile to dil kā gāhak koī hameñ apnā.e to

chahat ke badle mein hum bech den apni marzi tak

koi mile to dil ka gahak koi hamein apnae to

do ghaḌī us se raho duur to yuuñ lagtā hai

jis tarah sāya-e-dīvār se dīvār judā

do ghaDi us se raho dur to yun lagta hai

jis tarah saya-e-diwar se diwar juda

tum mohabbat ko khel kahte ho

ham ne barbād zindagī kar lī

tum mohabbat ko khel kahte ho

hum ne barbaad zindagi kar li

chupke chupke raat din aañsū bahānā yaad hai

ham ko ab tak āshiqī kā vo zamānā yaad hai

chupke chupke raat din aansu bahana yaad hai

hum ko ab tak aashiqi ka wo zamana yaad hai

milnā thā ittifāq bichhaḌnā nasīb thā

vo utnī duur ho gayā jitnā qarīb thā

milna tha ittifaq bichhaDna nasib tha

wo utni dur ho gaya jitna qarib tha

mazā jab thā ki mere muñh se sunte dāstāñ merī

kahāñ se lā.egā qāsid dahan merā zabāñ merī

maza jab tha ki mere munh se sunte dastan meri

kahan se laega qasid dahan mera zaban meri

ātish-e-ishq vo jahannam hai

jis meñ firdaus ke nazāre haiñ

aatish-e-ishq wo jahannam hai

jis mein firdaus ke nazare hain

ham ne avval se paḌhī hai ye kitāb āḳhir tak

ham se pūchhe koī hotī hai mohabbat kaisī

hum ne awwal se paDhi hai ye kitab aaKHir tak

hum se puchhe koi hoti hai mohabbat kaisi

maiñ to ġhazal sunā ke akelā khaḌā rahā

sab apne apne chāhne vāloñ meñ kho ga.e

main to ghazal suna ke akela khaDa raha

sab apne apne chahne walon mein kho gae

bahut mushkil zamānoñ meñ bhī ham ahl-e-mohabbat

vafā par ishq kī buniyād rakhnā chāhte haiñ

bahut mushkil zamanon mein bhi hum ahl-e-mohabbat

wafa par ishq ki buniyaad rakhna chahte hain

dil meñ ab kuchh bhī nahīñ un kī mohabbat ke sivā

sab fasāne haiñ haqīqat meñ haqīqat ke sivā

dil mein ab kuchh bhi nahin un ki mohabbat ke siwa

sab fasane hain haqiqat mein haqiqat ke siwa

ḳhudā kī itnī baḌī kā.enāt meñ maiñ ne

bas ek shaḳhs ko māñgā mujhe vahī na milā

KHuda ki itni baDi kaenat mein main ne

bas ek shaKHs ko manga mujhe wahi na mila

duniyā ke sitam yaad na apnī hī vafā yaad

ab mujh ko nahīñ kuchh bhī mohabbat ke sivā yaad

duniya ke sitam yaad na apni hi wafa yaad

ab mujh ko nahin kuchh bhi mohabbat ke siwa yaad

mohabbatoñ meñ dikhāve kī dostī na milā

agar gale nahīñ miltā to haath bhī na milā

mohabbaton mein dikhawe ki dosti na mila

agar gale nahin milta to hath bhi na mila

jab mohabbat kā naam suntā huuñ

haa.e kitnā malāl hotā hai

jab mohabbat ka nam sunta hun

hae kitna malal hota hai

kabhī mohabbat se baaz rahne kā dhyān aa.e to sochtā huuñ

ye zahr itne dinoñ se mere vajūd meñ kaise pal rahā hai

kabhi mohabbat se baz rahne ka dhyan aae to sochta hun

ye zahr itne dinon se mere wajud mein kaise pal raha hai

ishq meñ kuchh nazar nahīñ aayā

jis taraf dekhiye añdherā hai

ishq mein kuchh nazar nahin aaya

jis taraf dekhiye andhera hai

siine se lipTo yā galā kaaTo

ham tumhāre haiñ dil tumhārā hai

sine se lipTo ya gala kaTo

hum tumhaare hain dil tumhaara hai

us ne phir kar bhī na dekhā maiñ use dekhā kiyā

de diyā dil raah chalte ko ye maiñ ne kyā kiyā

us ne phir kar bhi na dekha main use dekha kiya

de diya dil rah chalte ko ye main ne kya kiya

ye duniyā nafratoñ ke āḳhrī stage pe hai

ilaaj is kā mohabbat ke sivā kuchh bhī nahīñ hai

ye duniya nafraton ke aaKHri stage pe hai

ilaj is ka mohabbat ke siwa kuchh bhi nahin hai

apnī tabāhiyoñ kā mujhe koī ġham nahīñ

tum ne kisī ke saath mohabbat nibhā to dī

apni tabahiyon ka mujhe koi gham nahin

tum ne kisi ke sath mohabbat nibha to di

kaafī hai mire dil kī tasallī ko yahī baat

aap aa na sake aap kā paiġhām to aayā

kafi hai mere dil ki tasalli ko yahi baat

aap aa na sake aap ka paigham to aaya

ham ko kis ke ġham ne maarā ye kahānī phir sahī

kis ne toḌā dil hamārā ye kahānī phir sahī

hum ko kis ke gham ne mara ye kahani phir sahi

kis ne toDa dil hamara ye kahani phir sahi

mohabbat zulf kā aaseb jaadū hai nigāhoñ kā

mohabbat fitna-e-mahshar balā-e-nā-gahānī hai

mohabbat zulf ka aaseb jadu hai nigahon ka

mohabbat fitna-e-mahshar bala-e-na-gahani hai

ḳhud-kushī jurm bhī hai sabr kī tauhīn bhī hai

is liye ishq meñ mar mar ke jiyā jaatā hai

KHud-kushi jurm bhi hai sabr ki tauhin bhi hai

is liye ishq mein mar mar ke jiya jata hai

āġhāz-e-mohabbat se anjām-e-mohabbat tak

guzrā hai jo kuchh ham par tum ne bhī sunā hogā

aaghaz-e-mohabbat se anjam-e-mohabbat tak

guzra hai jo kuchh hum par tum ne bhi suna hoga

vo jo ham meñ tum meñ qarār thā tumheñ yaad ho ki na yaad ho

vahī yaanī va.ada nibāh kā tumheñ yaad ho ki na yaad ho

wo jo hum mein tum mein qarar tha tumhein yaad ho ki na yaad ho

wahi yani wada nibah ka tumhein yaad ho ki na yaad ho

rahne de apnī bandagī zāhid

be-mohabbat ḳhudā nahīñ miltā

rahne de apni bandagi zahid

be-mohabbat KHuda nahin milta

aur bhī dukh haiñ zamāne meñ mohabbat ke sivā

rāhateñ aur bhī haiñ vasl kī rāhat ke sivā

aur bhi dukh hain zamane mein mohabbat ke siwa

rahaten aur bhi hain wasl ki rahat ke siwa

kyā kahā ishq jāvedānī hai!

āḳhirī baar mil rahī ho kyā

kya kaha ishq jawedani hai!

aaKHiri bar mil rahi ho kya

ishq vo kār-e-musalsal hai ki ham apne liye

ek lamha bhī pas-andāz nahīñ kar sakte

ishq wo kar-e-musalsal hai ki hum apne liye

ek lamha bhi pas-andaz nahin kar sakte

un kā zikr un kī tamannā un kī yaad

vaqt kitnā qīmtī hai aaj kal

un ka zikr un ki tamanna un ki yaad

waqt kitna qimti hai aaj kal

kaun detā hai mohabbat ko parastish kā maqām

tum ye insāf se socho to duā do ham ko

kaun deta hai mohabbat ko parastish ka maqam

tum ye insaf se socho to dua do hum ko

iqrār hai ki dil se tumheñ chāhte haiñ ham

kuchh is gunāh kī bhī sazā hai tumhāre paas

iqrar hai ki dil se tumhein chahte hain hum

kuchh is gunah ki bhi saza hai tumhaare pas

mohabbat aur 'mā.il' jald-bāzī kyā qayāmat hai

sukūn-e-dil banegā iztirāb āhista āhista

mohabbat aur 'mail' jald-bazi kya qayamat hai

sukun-e-dil banega iztirab aahista aahista

fāsle aise ki ik umr meñ tai ho na sakeñ

qurbateñ aisī ki ḳhud mujh meñ janam hai us kā

fasle aise ki ek umr mein tai ho na saken

qurbaten aisi ki KHud mujh mein janam hai us ka

yā tere alāva bhī kisī shai kī talab hai

yā apnī mohabbat pe bharosā nahīñ ham ko

ya tere alawa bhi kisi shai ki talab hai

ya apni mohabbat pe bharosa nahin hum ko

ishq se log manā karte haiñ

jaise kuchh iḳhtiyār hai apnā

ishq se log mana karte hain

jaise kuchh iKHtiyar hai apna

ishq mujh ko nahīñ vahshat hī sahī

merī vahshat tirī shohrat hī sahī

ishq mujh ko nahin wahshat hi sahi

meri wahshat teri shohrat hi sahi

ishq ma.ashūq ishq āshiq hai

yaanī apnā hī mubtalā hai ishq

ishq mashuq ishq aashiq hai

yani apna hi mubtala hai ishq

ai sanam jis ne tujhe chāñd sī sūrat dī hai

usī allāh ne mujh ko bhī mohabbat dī hai

ai sanam jis ne tujhe chand si surat di hai

usi allah ne mujh ko bhi mohabbat di hai

kise ḳhabar vo mohabbat thī yā raqābat thī

bahut se log tujhe dekh kar hamāre hue

kise KHabar wo mohabbat thi ya raqabat thi

bahut se log tujhe dekh kar hamare hue

kuchh to majbūriyāñ rahī hoñgī

yuuñ koī bevafā nahīñ hotā

kuchh to majburiyan rahi hongi

yun koi bewafa nahin hota

dil mohabbat se bhar gayā 'beḳhud'

ab kisī par fidā nahīñ hotā

dil mohabbat se bhar gaya 'beKHud'

ab kisi par fida nahin hota

tamām umr tirā intizār ham ne kiyā

is intizār meñ kis kis se pyaar ham ne kiyā

tamam umr tera intizar hum ne kiya

is intizar mein kis kis se pyar hum ne kiya

mujh meñ thoḌī sī jagah bhī nahīñ nafrat ke liye

maiñ to har vaqt mohabbat se bharā rahtā huuñ

mujh mein thoDi si jagah bhi nahin nafrat ke liye

main to har waqt mohabbat se bhara rahta hun

mujhe ma.alūm hai ahl-e-vafā par kyā guzartī hai

samajh kar soch kar tujh se mohabbat kar rahā huuñ maiñ

mujhe malum hai ahl-e-wafa par kya guzarti hai

samajh kar soch kar tujh se mohabbat kar raha hun main

ab judā.ī ke safar ko mire āsān karo

tum mujhe ḳhvāb meñ aa kar na pareshān karo

ab judai ke safar ko mere aasan karo

tum mujhe KHwab mein aa kar na pareshan karo

pahle baḌī raġhbat thī tire naam se mujh ko

ab sun ke tirā naam maiñ kuchh soch rahā huuñ

pahle baDi raghbat thi tere nam se mujh ko

ab sun ke tera nam main kuchh soch raha hun

ishq meñ mārka-e-qalb-o-nazar kyā kahiye

choT lagtī hai kahīñ dard kahīñ hotā hai

ishq mein marka-e-qalb-o-nazar kya kahiye

choT lagti hai kahin dard kahin hota hai