Sher on Dil
Reading these verses,
you would pass through various states that the human heart takes us through. You would wonder how these verses written by others are indeed the true voice of our own feelings. They seem to express our own desires and passion, sadness and deprivation, as also our experience of separation in the midst of an elusive hope for union.
dard-e-dil kyā bayāñ karūñ 'rashkī'
us ko kab e'tibār aatā hai
dard-e-dil kya bayan karun 'rashki'
us ko kab e'tibar aata hai
sukūn-e-dil ke liye ishq to bahāna thā
vagarna thak ke kahīñ to Thahar hī jaanā thā
sukun-e-dil ke liye ishq to bahana tha
wagarna thak ke kahin to Thahar hi jaana tha
-
Tags : Ishqand 1 more
sunā hai shahar meñ zaḳhmī diloñ kā mela hai
chaleñge ham bhī magar pairahan rafū kar ke
suna hai shahar mein zaKHmi dilon ka mela hai
chalenge hum bhi magar pairahan rafu kar ke
-
Tag : Zakhm
achchhī sūrat nazar aate hī machal jaatā hai
kisī aafat meñ na Daale dil-e-nāshād mujhe
achchhi surat nazar aate hi machal jata hai
kisi aafat mein na Dale dil-e-nashad mujhe
dil ke phaphūle jal uThe siine ke daaġh se
is ghar ko aag lag ga.ī ghar ke charāġh se
this hearts blisters are inflamed by its own desire
by its own lamp,alas, this house is set afire
dil ke phaphule jal uThe sine ke dagh se
is ghar ko aag lag gai ghar ke charagh se
this hearts blisters are inflamed by its own desire
by its own lamp,alas, this house is set afire
-
Tags : Charaghand 3 more
hañgāma-e-hayāt se jāñ-bar na ho sakā
ye dil ajiib dil hai ki patthar na ho sakā
hangama-e-hayat se jaan-bar na ho saka
ye dil ajib dil hai ki patthar na ho saka
dil dekhte hī us ko giraftār ho gayā
rusvā-e-shahr-o-kūcha-o-bāzār ho gayā
dil dekhte hi us ko giraftar ho gaya
ruswa-e-shahr-o-kucha-o-bazar ho gaya
dil jahāñ baat kare dil hī jahāñ baat sune
kār-e-dushvār hai us tarz meñ kahnā achchhā
dil jahan baat kare dil hi jahan baat sune
kar-e-dushwar hai us tarz mein kahna achchha
dil kī barbādiyoñ pe nāzāñ huuñ
fat.h pā kar shikast khaa.ī hai
dil ki barbaadiyon pe nazan hun
fath pa kar shikast khai hai
ham ko na mil sakā to faqat ik sukūn-e-dil
ai zindagī vagarna zamāne meñ kyā na thā
hum ko na mil saka to faqat ek sukun-e-dil
ai zindagi wagarna zamane mein kya na tha
dil mirā ḳhvāb-gāh-e-dilbar hai
bas yahī ek sone kā ghar hai
dil mera KHwab-gah-e-dilbar hai
bas yahi ek sone ka ghar hai
-
Tag : Khwab
Dar gayā hai jī kuchh aisā hijr se
tum jo pahlū se uThe dil hil gayā
Dar gaya hai ji kuchh aisa hijr se
tum jo pahlu se uThe dil hil gaya
kaam ab koī na aa.egā bas ik dil ke sivā
rāste band haiñ sab kūcha-e-qātil ke sivā
kaam ab koi na aaega bas ek dil ke siwa
raste band hain sab kucha-e-qatil ke siwa
na jaane kab tire dil par na.ī sī dastak ho
makān ḳhālī huā hai to koī aa.egā
na jaane kab tere dil par nai si dastak ho
makan KHali hua hai to koi aaega
dil ujḌī huī ek sarā.e kī tarah hai
ab log yahāñ raat jagāne nahīñ aate
dil ujDi hui ek sarae ki tarah hai
ab log yahan raat jagane nahin aate
maiñ jitnā DhūñDhtā huuñ us ko utnā hī nahīñ paatā
kidhar hai kis taraf hai aur kahāñ hai dil ḳhudā jaane
main jitna DhunDhta hun us ko utna hi nahin pata
kidhar hai kis taraf hai aur kahan hai dil KHuda jaane
qāsid nahīñ ye kaam tirā apnī raah le
us kā payām dil ke sivā kaun lā sake
qasid nahin ye kaam tera apni rah le
us ka payam dil ke siwa kaun la sake
-
Tag : Qasid
dil-e-marhūm ko ḳhudā baḳhshe
ek hī ġham-gusār thā na rahā
dil-e-marhum ko KHuda baKHshe
ek hi gham-gusar tha na raha
mas.ala ye hai ki us ke dil meñ ghar kaise kareñ
darmiyāñ ke fāsle kā tai safar kaise kareñ
masala ye hai ki us ke dil mein ghar kaise karen
darmiyan ke fasle ka tai safar kaise karen
-
Tag : Fasla
ek kiran bas raushniyoñ meñ sharīk nahīñ hotī
dil ke bujhne se duniyā tārīk nahīñ hotī
ek kiran bas raushniyon mein sharik nahin hoti
dil ke bujhne se duniya tarik nahin hoti
dil-e-nādāñ tujhe huā kyā hai
āḳhir is dard kī davā kyā hai
dil-e-nadan tujhe hua kya hai
aaKHir is dard ki dawa kya hai
dil us kī tār-e-zulf ke bal meñ ulajh gayā
suljhegā kis tarah se ye bistār hai ġhazab
dil us ki tar-e-zulf ke bal mein ulajh gaya
suljhega kis tarah se ye bistar hai ghazab
ek safar vo hai jis meñ
paañv nahīñ dil thaktā hai
ek safar wo hai jis mein
panw nahin dil thakta hai
-
Tag : Safar
dil meñ na ho jur.at to mohabbat nahīñ miltī
ḳhairāt meñ itnī baḌī daulat nahīñ miltī
dil mein na ho jurat to mohabbat nahin milti
KHairaat mein itni baDi daulat nahin milti
-
Tags : Ishqand 1 more
ḳhafā dekhā hai us ko ḳhvāb meñ dil saḳht muztar hai
khilā de dekhiye kyā kyā gul-e-ta.abīr-e-ḳhvāb apnā
KHafa dekha hai us ko KHwab mein dil saKHt muztar hai
khila de dekhiye kya kya gul-e-tabir-e-KHwab apna
-
Tags : Khafaand 1 more
dil vo sahrā hai jahāñ hasrat-e-sāya bhī nahīñ
dil vo duniyā hai jahāñ rañg hai ra.anā.ī hai
dil wo sahra hai jahan hasrat-e-saya bhi nahin
dil wo duniya hai jahan rang hai ranai hai
dam-ba-dam uThtī haiñ kis yaad kī lahreñ dil meñ
dard rah rah ke ye karvaT sī badaltā kyā hai
dam-ba-dam uThti hain kis yaad ki lahren dil mein
dard rah rah ke ye karwaT si badalta kya hai
-
Tags : Dardand 1 more
āġhāz-e-mohabbat kā anjām bas itnā hai
jab dil meñ tamannā thī ab dil hī tamannā hai
aaghaz-e-mohabbat ka anjam bas itna hai
jab dil mein tamanna thi ab dil hi tamanna hai
kyā rashk hai ki ek kā hai ek mudda.ī
tum dil meñ ho to dard hamāre jigar meñ hai
kya rashk hai ki ek ka hai ek muddai
tum dil mein ho to dard hamare jigar mein hai
-
Tag : Dard
puurī hotī haiñ tasavvur meñ umīdeñ kyā kyā
dil meñ sab kuchh hai magar pesh-e-nazar kuchh bhī nahīñ
puri hoti hain tasawwur mein umiden kya kya
dil mein sab kuchh hai magar pesh-e-nazar kuchh bhi nahin
mohabbat rañg de jaatī hai jab dil dil se miltā hai
magar mushkil to ye hai dil baḌī mushkil se miltā hai
mohabbat rang de jati hai jab dil dil se milta hai
magar mushkil to ye hai dil baDi mushkil se milta hai
behtar to hai yahī ki na duniyā se dil lage
par kyā kareñ jo kaam na be-dil-lagī chale
behtar to hai yahi ki na duniya se dil lage
par kya karen jo kaam na be-dil-lagi chale
-
Tags : Dil-lagiand 1 more
mujh ko na dil pasand na vo bevafā pasand
donoñ haiñ ḳhud-ġharaz mujhe donoñ haiñ nā-pasand
mujh ko na dil pasand na wo bewafa pasand
donon hain KHud-gharaz mujhe donon hain na-pasand
-
Tag : Mehboob
roz-e-jazā gila to kyā shukr-e-sitam hī ban paḌā
haa.e ki dil ke dard ne dard ko dil banā diyā
roz-e-jaza gila to kya shukr-e-sitam hi ban paDa
hae ki dil ke dard ne dard ko dil bana diya
-
Tag : Dard
dil meñ vo bhiiḌ hai ki zarā bhī nahīñ jagah
aap aa.iye magar koī armāñ nikāl ke
dil mein wo bhiD hai ki zara bhi nahin jagah
aap aaiye magar koi arman nikal ke
-
Tags : Aarzooand 2 more
dil liyā hai to ḳhudā ke liye kah do sāhab
muskurāte ho tumhīñ par mirā shak jaatā hai
dil liya hai to KHuda ke liye kah do sahab
muskuraate ho tumhin par mera shak jata hai
dil diyā jis ne kisī ko vo huā sāhib-e-dil
haath aa jaatī hai kho dene se daulat dil kī
dil diya jis ne kisi ko wo hua sahib-e-dil
hath aa jati hai kho dene se daulat dil ki
jī meñ jo aatī hai kar guzro kahīñ aisā na ho
kal pashemāñ hoñ ki kyuuñ dil kā kahā maanā nahīñ
ji mein jo aati hai kar guzro kahin aisa na ho
kal pasheman hon ki kyun dil ka kaha mana nahin
unheñ apne dil kī ḳhabreñ mire dil se mil rahī haiñ
maiñ jo un se ruuTh jā.ūñ to payām tak na pahuñche
unhen apne dil ki KHabren mere dil se mil rahi hain
main jo un se ruTh jaun to payam tak na pahunche
-
Tags : Ishqand 1 more
dekho duniyā hai dil hai
apnī apnī manzil hai
dekho duniya hai dil hai
apni apni manzil hai
aarzū terī barqarār rahe
dil kā kyā hai rahā rahā na rahā
aarzu teri barqarar rahe
dil ka kya hai raha raha na raha
-
Tag : Aarzoo
vo baat zarā sī jise kahte haiñ ġham-e-dil
samjhāne meñ ik umr guzar jaa.e hai pyāre
wo baat zara si jise kahte hain gham-e-dil
samjhane mein ek umr guzar jae hai pyare
-
Tag : Gham
abhī raah meñ ka.ī moḌ haiñ koī aa.egā koī jā.egā
tumheñ jis ne dil se bhulā diyā use bhūlne kī duā karo
abhi rah mein kai moD hain koi aaega koi jaega
tumhein jis ne dil se bhula diya use bhulne ki dua karo
-
Tags : Duaand 2 more
ye dil hai mirā yā kisī kuTiyā kā diyā hai
bujhtā hai dam-e-sub.h to jaltā hai sar-e-shām
ye dil hai mera ya kisi kuTiya ka diya hai
bujhta hai dam-e-subh to jalta hai sar-e-sham
yā raheñ is meñ apne ghar kī tarah
yā mire dil meñ aap ghar na kareñ
ya rahen is mein apne ghar ki tarah
ya mere dil mein aap ghar na karen
ḳhamoshī dil ko hai furqat meñ din raat
ghaḌī rahtī hai ye āThoñ pahar band
KHamoshi dil ko hai furqat mein din raat
ghaDi rahti hai ye aaThon pahar band
dil ko ma.alūm hai kyā baat batānī hai use
us se kyā baat chhupānī hai zabāñ jāntī hai
dil ko malum hai kya baat batani hai use
us se kya baat chhupani hai zaban jaanti hai
dil nā-umīd to nahīñ nākām hī to hai
lambī hai ġham kī shaam magar shaam hī to hai
dil na-umid to nahin nakaam hi to hai
lambi hai gham ki sham magar sham hi to hai
-
Tags : Famous shayariand 4 more