Today's top 5 Urdu Shayari

kise apnā banā.eñ koī is qābil nahīñ miltā

yahāñ patthar bahut milte haiñ lekin dil nahīñ miltā

kise apna banaen koi is qabil nahin milta

yahan patthar bahut milte hain lekin dil nahin milta

na jaane ruuTh ke baiThā hai dil kā chain kahāñ

mile to us ko hamārā koī salām kahe

na jaane ruTh ke baiTha hai dil ka chain kahan

mile to us ko hamara koi salam kahe

tasadduq is karam ke maiñ kabhī tanhā nahīñ rahtā

ki jis din tum nahīñ aate tumhārī yaad aatī hai

tasadduq is karam ke main kabhi tanha nahin rahta

ki jis din tum nahin aate tumhaari yaad aati hai

ye kyā tilism hai kyuuñ raat bhar sisaktā huuñ

vo kaun hai jo diyoñ meñ jalā rahā hai mujhe

ye kya tilism hai kyun raat bhar sisakta hun

wo kaun hai jo diyon mein jala raha hai mujhe

qadam milā ke zamāne ke saath chal na sake

bahut sambhal ke chale ham magar sambhal na sake

qadam mila ke zamane ke sath chal na sake

bahut sambhal ke chale hum magar sambhal na sake