Today's top 5 Urdu Shayari

farishtoñ se bhī achchhā maiñ burā hone se pahle thā

vo mujh se intihā.ī ḳhush ḳhafā hone se pahle thā

farishton se bhi achchha main bura hone se pahle tha

wo mujh se intihai KHush KHafa hone se pahle tha

dasht kī dhuup hai jañgal kī ghanī rāteñ haiñ

is kahānī meñ bahr haal ka.ī bāteñ haiñ

dasht ki dhup hai jangal ki ghani raaten hain

is kahani mein bahr haal kai baaten hain

ākāsh kī hasīn fazāoñ meñ kho gayā

maiñ is qadar uḌā ki ḳhalāoñ meñ kho gayā

aakash ki hasin fazaon mein kho gaya

main is qadar uDa ki KHalaon mein kho gaya

apne hone kā kuchh ehsās na hone se huā

ḳhud se milnā mirā ik shaḳhs ke khone se huā

apne hone ka kuchh ehsas na hone se hua

KHud se milna mera ek shaKHs ke khone se hua

chaman meñ rakhte haiñ kāñTe bhī ik maqām ai dost

faqat guloñ se hī gulshan kī aabrū to nahīñ

chaman mein rakhte hain kanTe bhi ek maqam ai dost

faqat gulon se hi gulshan ki aabru to nahin