Today's top 5 Urdu Shayari

kaash dekho kabhī TuuTe hue ā.īnoñ ko

dil shikasta ho to phir apnā parāyā kyā hai

kash dekho kabhi TuTe hue aainon ko

dil shikasta ho to phir apna paraya kya hai

kahānī likhte hue dāstāñ sunāte hue

vo so gayā hai mujhe ḳhvāb se jagāte hue

kahani likhte hue dastan sunate hue

wo so gaya hai mujhe KHwab se jagate hue

kyuuñ pashemāñ ho agar va.ada vafā ho na sakā

kahīñ va.ade bhī nibhāne ke liye hote haiñ

kyun pasheman ho agar wada wafa ho na saka

kahin wade bhi nibhane ke liye hote hain

is ālam-e-vīrāñ meñ kyā anjuman-ārā.ī

do roz kī mahfil hai ik umr kī tanhā.ī

is aalam-e-viran mein kya anjuman-arai

do roz ki mahfil hai ek umr ki tanhai

pahle is meñ ik adā thī naaz thā andāz thā

rūThnā ab to tirī aadat meñ shāmil ho gayā

pahle is mein ek ada thi naz tha andaz tha

ruThna ab to teri aadat mein shamil ho gaya