Today's top 5 Urdu Shayari

dil-e-muztar se pūchh ai raunaq-e-bazm

maiñ ḳhud aayā nahīñ laayā gayā huuñ

dil-e-muztar se puchh ai raunaq-e-bazm

main KHud aaya nahin laya gaya hun

agar tumhārī anā hī kā hai savāl to phir

chalo maiñ haath baḌhātā huuñ dostī ke liye

agar tumhaari ana hi ka hai sawal to phir

chalo main hath baDhata hun dosti ke liye

auroñ kī burā.ī ko na dekhūñ vo nazar de

haañ apnī burā.ī ko parakhne kā hunar de

auron ki burai ko na dekhun wo nazar de

han apni burai ko parakhne ka hunar de

'hafīz' apnī bolī mohabbat kī bolī

na urdu na hindī na hindostānī

'hafiz' apni boli mohabbat ki boli

na urdu na hindi na hindostani

jhuk kar salām karne meñ kyā harj hai magar

sar itnā mat jhukāo ki dastār gir paḌe

jhuk kar salam karne mein kya harj hai magar

sar itna mat jhukao ki dastar gir paDe