Today's top 5 Urdu Shayari

ai sham.a tujh pe raat ye bhārī hai jis tarah

maiñ ne tamām umr guzārī hai is tarah

ai shama tujh pe raat ye bhaari hai jis tarah

main ne tamam umr guzari hai is tarah

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

husn ke samajhne ko umr chāhiye jānāñ

do ghaḌī kī chāhat meñ laḌkiyāñ nahīñ khultīñ

husn ke samajhne ko umr chahiye jaanan

do ghaDi ki chahat mein laDkiyan nahin khultin

dekheñ qarīb se bhī to achchhā dikhā.ī de

ik aadmī to shahr meñ aisā dikhā.ī de

dekhen qarib se bhi to achchha dikhai de

ek aadmi to shahr mein aisa dikhai de

ġham se mansūb karūñ dard kā rishta de duuñ

zindagī aa tujhe jiine kā salīqa de duuñ

gham se mansub karun dard ka rishta de dun

zindagi aa tujhe jine ka saliqa de dun