Today's top 5 Urdu Shayari

ek ho jaa.eñ to ban sakte haiñ ḳhurshīd-e-mubīñ

varna in bikhre hue tāroñ se kyā kaam bane

ek ho jaen to ban sakte hain KHurshid-e-mubin

warna in bikhre hue taron se kya kaam bane

ye jabr bhī dekhā hai tārīḳh kī nazroñ ne

lamhoñ ne ḳhatā kī thī sadiyoñ ne sazā paa.ī

ye jabr bhi dekha hai tariKH ki nazron ne

lamhon ne KHata ki thi sadiyon ne saza pai

dekheñ qarīb se bhī to achchhā dikhā.ī de

ik aadmī to shahr meñ aisā dikhā.ī de

dekhen qarib se bhi to achchha dikhai de

ek aadmi to shahr mein aisa dikhai de

apne jalne meñ kisī ko nahīñ karte haiñ sharīk

raat ho jaa.e to ham sham.a bujhā dete haiñ

apne jalne mein kisi ko nahin karte hain sharik

raat ho jae to hum shama bujha dete hain

burī sarisht na badlī jagah badalne se

chaman meñ aa ke bhī kāñTā gulāb ho na sakā

buri sarisht na badli jagah badalne se

chaman mein aa ke bhi kanTa gulab ho na saka