Today's top 5 Urdu Shayari

ġham se mansūb karūñ dard kā rishta de duuñ

zindagī aa tujhe jiine kā salīqa de duuñ

gham se mansub karun dard ka rishta de dun

zindagi aa tujhe jine ka saliqa de dun

kyā ho gayā ise ki tujhe dekhtī nahīñ

jī chāhtā hai aag lagā duuñ nazar ko maiñ

kya ho gaya ise ki tujhe dekhti nahin

ji chahta hai aag laga dun nazar ko main

ik lafz-e-mohabbat kā adnā ye fasānā hai

simTe to dil-e-āshiq phaile to zamāna hai

ek lafz-e-mohabbat ka adna ye fasana hai

simTe to dil-e-ashiq phaile to zamana hai

dil kī bisāt kyā thī nigāh-e-jamāl meñ

ik ā.īna thā TuuT gayā dekh-bhāl meñ

dil ki bisat kya thi nigah-e-jamal mein

ek aaina tha TuT gaya dekh-bhaal mein

kahānī likhte hue dāstāñ sunāte hue

vo so gayā hai mujhe ḳhvāb se jagāte hue

kahani likhte hue dastan sunate hue

wo so gaya hai mujhe KHwab se jagate hue