Today's top 5 Urdu Shayari

farishtoñ se bhī achchhā maiñ burā hone se pahle thā

vo mujh se intihā.ī ḳhush ḳhafā hone se pahle thā

farishton se bhi achchha main bura hone se pahle tha

wo mujh se intihai KHush KHafa hone se pahle tha

zindagī tū ne mujhe qabr se kam dī hai zamīñ

paañv phailā.ūñ to dīvār meñ sar lagtā hai

zindagi tu ne mujhe qabr se kam di hai zamin

panw phailaun to diwar mein sar lagta hai

aks kis chiiz kā ā.īna-e-hairat meñ nahīñ

terī sūrat meñ hai kyā jo merī sūrat meñ nahīñ

aks kis chiz ka aaina-e-hairat mein nahin

teri surat mein hai kya jo meri surat mein nahin

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein

chubhan ye piiTh meñ kaisī hai muḌ ke dekh to le

kahīñ koī tujhe pīchhe se dekhtā hogā

chubhan ye piTh mein kaisi hai muD ke dekh to le

kahin koi tujhe pichhe se dekhta hoga