Today's top 5 Urdu Shayari

ġhairoñ se kahā tum ne ġhairoñ se sunā tum ne

kuchh ham se kahā hotā kuchh ham se sunā hotā

ghairon se kaha tum ne ghairon se suna tum ne

kuchh hum se kaha hota kuchh hum se suna hota

rāsta sochte rahne se kidhar bantā hai

sar meñ saudā ho to dīvār meñ dar bantā hai

rasta sochte rahne se kidhar banta hai

sar mein sauda ho to diwar mein dar banta hai

anjām-e-vafā ye hai jis ne bhī mohabbat kī

marne kī duā māñgī jiine kī sazā paa.ī

anjam-e-wafa ye hai jis ne bhi mohabbat ki

marne ki dua mangi jine ki saza pai

ham to tamām umr tirī hī adā rahe

ye kyā huā ki phir bhī hamīñ bevafā rahe

hum to tamam umr teri hi ada rahe

ye kya hua ki phir bhi hamin bewafa rahe

zindagī kam paḌhe pardesī kā ḳhat hai 'ibrat'

ye kisī tarah paḌhā jaa.e na samjhā jaa.e

zindagi kam paDhe pardesi ka KHat hai 'ibrat'

ye kisi tarah paDha jae na samjha jae