Today's top 5 Urdu Shayari

maiñ yuuñ hī nahīñ apnī hifāzat meñ lagā huuñ

mujh meñ kahīñ lagtā hai ki rakkhā huā tū hai

main yun hi nahin apni hifazat mein laga hun

mujh mein kahin lagta hai ki rakkha hua tu hai

vo chaar chāñd falak ko lagā chalā huuñ 'qamar'

ki mere ba.ad sitāre kaheñge afsāne

wo chaar chand falak ko laga chala hun 'qamar'

ki mere baad sitare kahenge afsane

niiñd aa.e to achānak tirī aahaT sun luuñ

jaag uTThūñ to badan se tirī ḳhushbū aa.e

nind aae to achanak teri aahaT sun lun

jag uTThun to badan se teri KHushbu aae

agarche roz mirā sabr āzmātā hai

magar ye dariyā mujhe tairnā sikhātā hai

agarche roz mera sabr aazmata hai

magar ye dariya mujhe tairna sikhata hai

aap se ham ko rañj hī kaisā

muskurā dījiye safā.ī se

aap se hum ko ranj hi kaisa

muskura dijiye safai se