Today's top 5 Urdu Shayari

'inshā'-jī uTho ab kuuch karo is shahr meñ jī ko lagānā kyā

vahshī ko sukūñ se kyā matlab jogī kā nagar meñ Thikānā kyā

'insha'-ji uTho ab kuch karo is shahr mein ji ko lagana kya

wahshi ko sukun se kya matlab jogi ka nagar mein Thikana kya

bujhā hai dil to na samjho ki bujh gayā ġham bhī

ki ab charāġh ke badle charāġh kī lau hai

bujha hai dil to na samjho ki bujh gaya gham bhi

ki ab charagh ke badle charagh ki lau hai

ishva bhī hai shoḳhī bhī tabassum bhī hayā bhī

zālim meñ aur ik baat hai is sab ke sivā bhī

ishwa bhi hai shoKHi bhi tabassum bhi haya bhi

zalim mein aur ek baat hai is sab ke siwa bhi

jholiyāñ sab kī bhartī jaatī haiñ

dene vaalā nazar nahīñ aatā

jholiyan sab ki bharti jati hain

dene wala nazar nahin aata

tark-e-mai hī samajh ise nāseh

itnī pī hai ki pī nahīñ jaatī

tark-e-mai hi samajh ise naseh

itni pi hai ki pi nahin jati