Today's top 5 Urdu Shayari

hai ḳhushī intizār kī har dam

maiñ ye kyuuñ pūchhūñ kab mileñge aap

hai KHushi intizar ki har dam

main ye kyun puchhun kab milenge aap

ulajh ke rah ga.e chehre mirī nigāhoñ meñ

kuchh itnī tezī se badle the un kī baat ke rañg

ulajh ke rah gae chehre meri nigahon mein

kuchh itni tezi se badle the un ki baat ke rang

shor din ko nahīñ sone detā

shab ko sannāTā jagā detā hai

shor din ko nahin sone deta

shab ko sannaTa jaga deta hai

ġhairoñ se to fursat tumheñ din raat nahīñ hai

haañ mere liye vaqt-e-mulāqāt nahīñ hai

ghairon se to fursat tumhein din raat nahin hai

han mere liye waqt-e-mulaqat nahin hai

hai tā-hadd-e-imkāñ koī bastī na bayābāñ

āñkhoñ meñ koī ḳhvāb dikhā.ī nahīñ detā

hai ta-hadd-e-imkan koi basti na bayaban

aankhon mein koi KHwab dikhai nahin deta