Today's top 5 Urdu Shayari

duniyā to chāhtī hai yūñhī fāsle raheñ

duniyā ke mashvaroñ pe na jā us galī meñ chal

duniya to chahti hai yunhi fasle rahen

duniya ke mashwaron pe na ja us gali mein chal

kahāñ ke ishq-o-mohabbat kidhar ke hijr o visāl

abhī to log taraste haiñ zindagī ke liye

kahan ke ishq-o-mohabbat kidhar ke hijr o visal

abhi to log taraste hain zindagi ke liye

jin se mil kar zindagī se ishq ho jaa.e vo log

aap ne shāyad na dekhe hoñ magar aise bhī haiñ

jin se mil kar zindagi se ishq ho jae wo log

aap ne shayad na dekhe hon magar aise bhi hain

kabhī kabhī to ye dil meñ savāl uThtā hai

ki is judā.ī meñ kyā us ne pā liyā hogā

kabhi kabhi to ye dil mein sawal uThta hai

ki is judai mein kya us ne pa liya hoga

dekh zindāñ se pare rañg-e-chaman josh-e-bahār

raqs karnā hai to phir paañv kī zanjīr na dekh

dekh zindan se pare rang-e-chaman josh-e-bahaar

raqs karna hai to phir panw ki zanjir na dekh