Today's top 5 Urdu Shayari

kahāñ sochā thā maiñ ne bazm-ārā.ī se pahle

ye merī āḳhirī mahfil hai tanhā.ī se pahle

kahan socha tha main ne bazm-arai se pahle

ye meri aaKHiri mahfil hai tanhai se pahle

bikhrī huī vo zulf ishāroñ meñ kah ga.ī

maiñ bhī sharīk huuñ tire hāl-e-tabāh meñ

bikhri hui wo zulf ishaaron mein kah gai

main bhi sharik hun tere haal-e-tabah mein

har-chand tujhe sabr nahīñ dard va-lekin

itnā bhī na miliyo ki vo badnām bahut ho

har-chand tujhe sabr nahin dard wa-lekin

itna bhi na miliyo ki wo badnam bahut ho

zabāñ ḳhāmosh magar nazroñ meñ ujālā dekhā

us kā iz.hār-e-mohabbat bhī nirālā dekhā

zaban KHamosh magar nazron mein ujala dekha

us ka izhaar-e-mohabbat bhi nirala dekha

sau sau umīdeñ bañdhtī hai ik ik nigāh par

mujh ko na aise pyaar se dekhā kare koī

sau sau umiden bandhti hai ek ek nigah par

mujh ko na aise pyar se dekha kare koi