Today's top 5 Urdu Shayari

eid kā din hai so kamre meñ paḌā huuñ 'aslam'

apne darvāze ko bāhar se muqaffal kar ke

eid ka din hai so kamre mein paDa hun 'aslam'

apne darwaze ko bahar se muqaffal kar ke

eid aa.ī tum na aa.e kyā mazā hai eid kā

eid hī to naam hai ik dūsre kī diid kā

eid aai tum na aae kya maza hai eid ka

eid hi to nam hai ek dusre ki did ka

ai havā tū hī use eid-mubārak kahiyo

aur kahiyo ki koī yaad kiyā kartā hai

ai hawa tu hi use eid-mubarak kahiyo

aur kahiyo ki koi yaad kiya karta hai

kahte haiñ eid hai aaj apnī bhī eid hotī

ham ko agar mayassar jānāñ kī diid hotī

kahte hain eid hai aaj apni bhi eid hoti

hum ko agar mayassar jaanan ki did hoti

mil ke hotī thī kabhī eid bhī dīvālī bhī

ab ye hālat hai ki Dar Dar ke gale milte haiñ

mil ke hoti thi kabhi eid bhi diwali bhi

ab ye haalat hai ki Dar Dar ke gale milte hain