Today's top 5 Urdu Shayari

aziiz mujh ko haiñ tūfān sāhiloñ se sivā

isī liye hai ḳhafā merā nāḳhudā mujh se

aziz mujh ko hain tufan sahilon se siwa

isi liye hai KHafa mera naKHuda mujh se

daulat-e-faqr-o-fanā se haiñ tavañgar ham log

jūtiyāñ māreñ haiñ iqbāl ke sar par ham log

daulat-e-faqr-o-fana se hain tawangar hum log

jutiyan maren hain iqbaal ke sar par hum log

dariyā se mauj mauj se dariyā judā nahīñ

ham se judā nahīñ hai ḳhudā aur ḳhudā se ham

dariya se mauj mauj se dariya juda nahin

hum se juda nahin hai KHuda aur KHuda se hum

aap daulat ke tarāzū meñ diloñ ko tauleñ

ham mohabbat se mohabbat kā sila dete haiñ

aap daulat ke taraazu mein dilon ko taulen

hum mohabbat se mohabbat ka sila dete hain

sāhil pe qaid lākhoñ safīnoñ ke vāste

merī shikasta naav hai tūfāñ liye hue

sahil pe qaid lakhon safinon ke waste

meri shikasta naw hai tufan liye hue