Today's top 5 Urdu Shayari

is ko samjho na ḳhatt-e-nafs 'hafīz'

aur hī kuchh hai shā.erī se ġharaz

is ko samjho na KHatt-e-nafs 'hafiz'

aur hi kuchh hai shaeri se gharaz

vo habīb ho ki rahbar vo raqīb ho ki rahzan

jo dayār-e-dil se guzre use ham-kalām kar lo

wo habib ho ki rahbar wo raqib ho ki rahzan

jo dayar-e-dil se guzre use ham-kalam kar lo

aage kuchh baḌh kar milegī masjid-e-jāme 'riyāz'

ik zarā muḌ jā.iyegā mai-kade ke dar se aap

aage kuchh baDh kar milegi masjid-e-jame 'riyaz'

ek zara muD jaiyega mai-kade ke dar se aap

jiye jaate haiñ pastī meñ tire saare jahāñ vaale

kabhī nīche bhī nazreñ Daal ūñche āsmāñ vaale

jiye jate hain pasti mein tere sare jahan wale

kabhi niche bhi nazren Dal unche aasman wale

zabāñ hamārī na samjhā yahāñ koī 'majrūh'

ham ajnabī kī tarah apne hī vatan meñ rahe

zaban hamari na samjha yahan koi 'majruh'

hum ajnabi ki tarah apne hi watan mein rahe