Today's top 5 Urdu Shayari

chaTaḳh ke TuuT ga.ī hai to ban ga.ī āvāz

jo mere siine meñ ik roz ḳhāmushī huī thī

chaTaKH ke TuT gai hai to ban gai aawaz

jo mere sine mein ek roz KHamushi hui thi

hujūm-e-bāda-o-gul meñ hujūm-e-yārāñ meñ

kisī nigāh ne jhuk kar mire salām liye

hujum-e-baada-o-gul mein hujum-e-yaran mein

kisi nigah ne jhuk kar mere salam liye

kaun Dūbegā kise paar utarnā hai 'zafar'

faisla vaqt ke dariyā meñ utar kar hogā

kaun Dubega kise par utarna hai 'zafar'

faisla waqt ke dariya mein utar kar hoga

mausam-e-gul hameñ jab yaad aayā

jitnā ġham bhūle the sab yaad aayā

mausam-e-gul hamein jab yaad aaya

jitna gham bhule the sab yaad aaya

allāh-re nāzukī ki javāb-e-salām meñ

haath us kā uTh ke rah gayā mehñdī ke bojh se

allah-re nazuki ki jawab-e-salam mein

hath us ka uTh ke rah gaya mehndi ke bojh se