Today's top 5 Urdu Shayari

zindagī jaisī tavaqqo thī nahīñ kuchh kam hai

har ghaḌī hotā hai ehsās kahīñ kuchh kam hai

zindagi jaisi tawaqqo thi nahin kuchh kam hai

har ghaDi hota hai ehsas kahin kuchh kam hai

nahīñ ye aadmī kā kaam vaa.iz

hamāre but tarāshe haiñ ḳhudā ne

nahin ye aadmi ka kaam waiz

hamare but tarashe hain KHuda ne

kis tasavvur ke tahat rabt kī manzil meñ rahā

kis vasīle ke ta.assur kā nigahbān thā maiñ

kis tasawwur ke tahat rabt ki manzil mein raha

kis wasile ke tassur ka nigahban tha main

ro.eñ na abhī ahl-e-nazar haal pe mere

honā hai abhī mujh ko ḳharāb aur ziyāda

roen na abhi ahl-e-nazar haal pe mere

hona hai abhi mujh ko KHarab aur ziyaada

ba-juz haq ke nahīñ hai ġhair se hargiz tavaqqo kuchh

magar duniyā ke logoñ meñ mujhe hai pyaar se matlab

ba-juz haq ke nahin hai ghair se hargiz tawaqqo kuchh

magar duniya ke logon mein mujhe hai pyar se matlab