Today's top 5 Urdu Shayari

saḳht pistāñ tire chubhe dil meñ

apne hāthoñ se maiñ ḳharāb huā

saKHt pistan tere chubhe dil mein

apne hathon se main KHarab hua

hai saḳht mushkil meñ jaan saaqī pilā.e āḳhir kidhar se pahle

sabhī kī āñkheñ ye kah rahī haiñ idhar se pahle idhar se pahle

hai saKHt mushkil mein jaan saqi pilae aaKHir kidhar se pahle

sabhi ki aankhen ye kah rahi hain idhar se pahle idhar se pahle

saḳht-jāñ huuñ mujhe ik vaar se kyā hotā hai

aisī choTeñ koī do-chār to aane diije

saKHt-jaan hun mujhe ek war se kya hota hai

aisi choTen koi do-chaar to aane dije

sabr karnā saḳht mushkil hai taḌapnā sahl hai

apne bas kā kaam kar letā huuñ āsāñ dekh kar

sabr karna saKHt mushkil hai taDapna sahl hai

apne bas ka kaam kar leta hun aasan dekh kar

saḳht-jānī kī badaulat ab bhī ham haiñ tāza-dam

ḳhushk ho jaate haiñ varna peḌ hil jaane ke ba.ad

saKHt-jaani ki badaulat ab bhi hum hain taza-dam

KHushk ho jate hain warna peD hil jaane ke baad