Today's top 5 Urdu Shayari

parvānoñ kā to hashr jo honā thā ho chukā

guzrī hai raat sham.a pe kyā dekhte chaleñ

parwanon ka to hashr jo hona tha ho chuka

guzri hai raat shama pe kya dekhte chalen

milnā thā ittifāq bichhaḌnā nasīb thā

vo utnī duur ho gayā jitnā qarīb thā

milna tha ittifaq bichhaDna nasib tha

wo utni dur ho gaya jitna qarib tha

is daur meñ insān kā chehra nahīñ miltā

kab se maiñ naqāboñ kī taheñ khol rahā huuñ

is daur mein insan ka chehra nahin milta

kab se main naqabon ki tahen khol raha hun

mere paas se uTh kar vo us kā jaanā

saarī kaifiyyat hai guzarte mausam sī

mere pas se uTh kar wo us ka jaana

sari kaifiyyat hai guzarte mausam si

vo TūTte hue rishtoñ kā husn-e-āḳhir thā

ki chup sī lag ga.ī donoñ ko baat karte hue

wo TuTte hue rishton ka husn-e-aKHir tha

ki chup si lag gai donon ko baat karte hue