Today's top 5 Urdu Shayari

māñgne vāloñ ko kyā izzat o rusvā.ī se

dene vāloñ kī amīrī kā bharam khultā hai

mangne walon ko kya izzat o ruswai se

dene walon ki amiri ka bharam khulta hai

ham se koī ta.alluq-e-ḳhātir to hai use

vo yaar bā-vafā na sahī bevafā to hai

hum se koi talluq-e-KHatir to hai use

wo yar ba-wafa na sahi bewafa to hai

safar meñ aise ka.ī marhale bhī aate haiñ

har ek moḌ pe kuchh log chhūT jaate haiñ

safar mein aise kai marhale bhi aate hain

har ek moD pe kuchh log chhuT jate hain

tū ne hī rah na dikhā.ī to dikhā.egā kaun

ham tirī raah meñ gumrāh hue baiThe haiñ

tu ne hi rah na dikhai to dikhaega kaun

hum teri rah mein gumrah hue baiThe hain

hameñ bhī aaj hī karnā thā intizār us kā

use bhī aaj hī sab vaade bhuul jaane the

hamein bhi aaj hi karna tha intizar us ka

use bhi aaj hi sab wade bhul jaane the