Today's top 5 Urdu Shayari

tū bhī saada hai kabhī chaal badaltā hī nahīñ

ham bhī saada haiñ isī chaal meñ aa jaate haiñ

tu bhi sada hai kabhi chaal badalta hi nahin

hum bhi sada hain isi chaal mein aa jate hain

roz dīvār meñ chun detā huuñ maiñ apnī anā

roz vo toḌ ke dīvār nikal aatī hai

roz diwar mein chun deta hun main apni ana

roz wo toD ke diwar nikal aati hai

shajar-e-tar na yahāñ barg-e-shanāsā koī

is qarīne se sajāyā hai ye manzar kis ne

shajar-e-tar na yahan barg-e-shanasa koi

is qarine se sajaya hai ye manzar kis ne

ham ne kāñToñ ko bhī narmī se chhuā hai aksar

log bedard haiñ phūloñ ko masal dete haiñ

hum ne kanTon ko bhi narmi se chhua hai aksar

log bedard hain phulon ko masal dete hain

tumhāre hijr meñ āñkheñ hamārī muddat se

nahīñ ye jāntīñ duniyā meñ ḳhvāb hai kyā chiiz

tumhaare hijr mein aankhen hamari muddat se

nahin ye jaantin duniya mein KHwab hai kya chiz