Today's top 5 Urdu Shayari

burā bure ke alāva bhalā bhī hotā hai

har aadmī meñ koī dūsrā bhī hotā hai

bura bure ke alawa bhala bhi hota hai

har aadmi mein koi dusra bhi hota hai

hazāroñ chāñd sitāre chamak ga.e hote

kabhī nazar jo tirī mā.il-e-karam hotī

hazaron chand sitare chamak gae hote

kabhi nazar jo teri mail-e-karam hoti

siine meñ rāz-e-ishq chhupāyā na jā.egā

ye aag vo hai jis ko dabāyā na jā.egā

sine mein raaz-e-ishq chhupaya na jaega

ye aag wo hai jis ko dabaya na jaega

us bazm meñ jo kuchh nazar aayā nazar aayā

ab kaun batā.e ki hameñ kyā nazar aayā

us bazm mein jo kuchh nazar aaya nazar aaya

ab kaun batae ki hamein kya nazar aaya

terī qurbat meñ guzāre hue kuchh lamhe haiñ

dil ko tanhā.ī kā ehsās dilāne vaale

teri qurbat mein guzare hue kuchh lamhe hain

dil ko tanhai ka ehsas dilane wale