Today's top 5 Urdu Shayari

maiñ chāhtā huuñ mohabbat mujhe fanā kar de

fanā bhī aisā ki jis kī koī misāl na ho

main chahta hun mohabbat mujhe fana kar de

fana bhi aisa ki jis ki koi misal na ho

maiñ vo ma.anī-e-ġham-e-ishq huuñ jise harf harf likhā gayā

kabhī āñsuoñ kī bayāz meñ kabhī dil se le ke kitāb tak

main wo mani-e-gham-e-ishq hun jise harf harf likha gaya

kabhi aansuon ki bayaz mein kabhi dil se le ke kitab tak

honā hai dard-e-ishq se gar lazzat-āshnā

dil ko ḳharāb-e-talḳhī-e-hijrāñ to kījiye

hona hai dard-e-ishq se gar lazzat-ashna

dil ko KHarab-e-talKHi-e-hijran to kijiye

kuchh ġhazleñ un zulfoñ par haiñ kuchh ġhazleñ un āñkhoñ par

jaane vaale dost kī ab ik yahī nishānī baaqī hai

kuchh ghazlen un zulfon par hain kuchh ghazlen un aankhon par

jaane wale dost ki ab ek yahi nishani baqi hai

mirī ummīd kā sūraj ki terī aas kā chāñd

diye tamām hī ruḳh par havā ke rakkhe the

meri ummid ka suraj ki teri aas ka chand

diye tamam hi ruKH par hawa ke rakkhe the