Today's top 5 Urdu Shayari

misl-e-parvāna fidā har ek kā dil ho gayā

yaar jis mahfil meñ baiThā sham-e-mahfil ho gayā

misl-e-parwana fida har ek ka dil ho gaya

yar jis mahfil mein baiTha sham-e-mahfil ho gaya

ai ahl-e-vatan shām-o-sahar jāgte rahnā

aġhyār haiñ āmāda-e-shar jāgte rahnā

ai ahl-e-watan sham-o-sahar jagte rahna

aghyar hain aamada-e-shar jagte rahna

tire firāq kī sadiyāñ tire visāl ke pal

shumār-e-umr meñ ye maah o saal se kuchh haiñ

tere firaq ki sadiyan tere visal ke pal

shumar-e-umr mein ye mah o sal se kuchh hain

dasht-e-tanhā.ī meñ jiine kā salīqa sīkhiye

ye shikasta bām-o-dar bhī ham-safar ho jā.eñge

dasht-e-tanhai mein jine ka saliqa sikhiye

ye shikasta baam-o-dar bhi ham-safar ho jaenge

kuchh to ehsās-e-mohabbat se huiiñ nam āñkheñ

kuchh tirī yaad ke bādal bhī bhigo jaate haiñ

kuchh to ehsas-e-mohabbat se huin nam aankhen

kuchh teri yaad ke baadal bhi bhigo jate hain