Today's top 5 Urdu Shayari

TuuT paḌtī thiiñ ghaTā.eñ jin kī āñkheñ dekh kar

vo bharī barsāt meñ tarse haiñ paanī ke liye

TuT paDti thin ghaTaen jin ki aankhen dekh kar

wo bhari barsat mein tarse hain pani ke liye

sāthī mire kahāñ se kahāñ tak pahuñch ga.e

maiñ zindagī ke naaz uThāne meñ rah gayā

sathi mere kahan se kahan tak pahunch gae

main zindagi ke naz uThane mein rah gaya

chalā thā zikr zamāne kī bevafā.ī kā

so aa gayā hai tumhārā ḳhayāl vaise hī

chala tha zikr zamane ki bewafai ka

so aa gaya hai tumhaara KHayal waise hi

hārne meñ ik anā kī baat thī

jiit jaane meñ ḳhasārā aur hai

haarne mein ek ana ki baat thi

jit jaane mein KHasara aur hai

gin rahā huuñ harf un ke ahd ke

mujh ko dhokā de rahī hai yaad kyā

gin raha hun harf un ke ahd ke

mujh ko dhoka de rahi hai yaad kya