Today's top 5 Urdu Shayari

dafn kar saktā huuñ siine meñ tumhāre raaz ko

aur tum chāho to afsāna banā saktā huuñ maiñ

dafn kar sakta hun sine mein tumhaare raaz ko

aur tum chaho to afsana bana sakta hun main

hazār talḳh hoñ yādeñ magar vo jab bhī mile

zabāñ pe achchhe dinoñ kā hī zā.iqa rakhnā

hazar talKH hon yaaden magar wo jab bhi mile

zaban pe achchhe dinon ka hi zaiqa rakhna

kaT ga.ī ehtiyāt-e-ishq meñ umr

ham se iz.hār-e-mudda.ā na huā

kaT gai ehtiyat-e-ishq mein umr

hum se izhaar-e-muddaa na hua

duniyā to ham se haath milāne ko aa.ī thī

ham ne hī e.atibār dobāra nahīñ kiyā

duniya to hum se hath milane ko aai thi

hum ne hi eatibar dobara nahin kiya

chalā thā zikr zamāne kī bevafā.ī kā

so aa gayā hai tumhārā ḳhayāl vaise hī

chala tha zikr zamane ki bewafai ka

so aa gaya hai tumhaara KHayal waise hi