Today's top 5 Urdu Shayari

dīvāna-e-justujū ho gayā chāñd

bādal se gir ke kho gayā chāñd

diwana-e-justuju ho gaya chand

baadal se gir ke kho gaya chand

jo tire intizār meñ guzre

bas vahī intizār ke din the

jo tere intizar mein guzre

bas wahi intizar ke din the

dayār-e-nūr meñ tīra-shaboñ kā sāthī ho

koī to ho jo mirī vahshatoñ kā sāthī ho

dayar-e-nur mein tira-shabon ka sathi ho

koi to ho jo meri wahshaton ka sathi ho

zindagī zinda-dilī kā hai naam

murda-dil ḳhaak jiyā karte haiñ

zindagi zinda-dili ka hai nam

murda-dil KHak jiya karte hain

vo habīb ho ki rahbar vo raqīb ho ki rahzan

jo dayār-e-dil se guzre use ham-kalām kar lo

wo habib ho ki rahbar wo raqib ho ki rahzan

jo dayar-e-dil se guzre use ham-kalam kar lo