Today's top 5 Urdu Shayari

kahne ke liye ham bhī zabāñ rakhte haiñ lekin

ye zarf hamārā hai ki ham kuchh nahīñ kahte

kahne ke liye hum bhi zaban rakhte hain lekin

ye zarf hamara hai ki hum kuchh nahin kahte

yuuñ barastī haiñ tasavvur meñ purānī yādeñ

jaise barsāt kī rim-jhim meñ samāñ hotā hai

yun barasti hain tasawwur mein purani yaaden

jaise barsat ki rim-jhim mein saman hota hai

baat se baat kī gahrā.ī chalī jaatī hai

jhuuT aa jaa.e to sachchā.ī chalī jaatī hai

baat se baat ki gahrai chali jati hai

jhuT aa jae to sachchai chali jati hai

aaj bhī naqsh haiñ dil par tirī aahaT ke nishāñ

ham ne us raah se auroñ ko guzarne na diyā

aaj bhi naqsh hain dil par teri aahaT ke nishan

hum ne us rah se auron ko guzarne na diya

jis kā inkār hathelī pe liye phirtā huuñ

jāntā hī nahīñ inkār kā matlab kyā hai

jis ka inkar hatheli pe liye phirta hun

jaanta hi nahin inkar ka matlab kya hai