Today's top 5 Urdu Shayari

nagrī nagrī phirā musāfir ghar kā rastā bhuul gayā

kyā hai terā kyā hai merā apnā parāyā bhuul gayā

nagri nagri phira musafir ghar ka rasta bhul gaya

kya hai tera kya hai mera apna paraya bhul gaya

ek usī ko dekh na paa.e varna shahr kī saḌkoñ par

achchhī achchhī poshākeñ haiñ achchhī sūrat vaale haiñ

ek usi ko dekh na pae warna shahr ki saDkon par

achchhi achchhi poshaken hain achchhi surat wale hain

log nafrat kī fazāoñ meñ bhī jī lete haiñ

ham mohabbat kī havā se bhī Darā karte haiñ

log nafrat ki fazaon mein bhi ji lete hain

hum mohabbat ki hawa se bhi Dara karte hain

us ke jaane kā yaqīñ to hai magar uljhan meñ huuñ

phuul ke hāthoñ se ye ḳhush-bū judā kaise huī

us ke jaane ka yaqin to hai magar uljhan mein hun

phul ke hathon se ye KHush-bu juda kaise hui

shafaq huuñ sūraj huuñ raushnī huuñ

salīb-e-ġham par ubhar rahā huuñ

shafaq hun suraj hun raushni hun

salib-e-gham par ubhar raha hun