Today's top 5 Urdu Shayari

hasīñ yādeñ vo bachpan kī kahīñ dil se na kho jaa.eñ

maiñ apne āshiyāne meñ khilaune ab bhī rakhtā huuñ

hasin yaaden wo bachpan ki kahin dil se na kho jaen

main apne aashiyane mein khilaune ab bhi rakhta hun

har bachcha āñkheñ kholte hī kartā hai savāl mohabbat kā

duniyā ke kisī goshe se use mil jaa.e javāb to achchhā ho

har bachcha aankhen kholte hi karta hai sawal mohabbat ka

duniya ke kisi goshe se use mil jae jawab to achchha ho

yuuñ tujhe dekh ke chauñk uThtī haiñ soī yādeñ

jaise sannāTe meñ āvāz lagā de koī

yun tujhe dekh ke chaunk uThti hain soi yaaden

jaise sannaTe mein aawaz laga de koi

dushman-e-jāñ hai magar jaan se pyārā bhī hai

aisā is shahr meñ ik shaḳhs hamārā bhī hai

dushman-e-jaan hai magar jaan se pyara bhi hai

aisa is shahr mein ek shaKHs hamara bhi hai

tire ehsās meñ Duubā huā maiñ

kabhī sahrā kabhī dariyā huā maiñ

tere ehsas mein Duba hua main

kabhi sahra kabhi dariya hua main