Today's top 5 Urdu Shayari

maiñ sach kahūñgī magar phir bhī haar jā.ūñgī

vo jhuuT bolegā aur lā-javāb kar degā

main sach kahungi magar phir bhi haar jaungi

wo jhuT bolega aur la-jawab kar dega

ye daaġh daaġh ujālā ye shab-gazīda sahar

vo intizār thā jis kā ye vo sahar to nahīñ

ye dagh dagh ujala ye shab-gazida sahar

wo intizar tha jis ka ye wo sahar to nahin

sahar kī guuñj se āvāza-e-jamāl huā

so jāgtā rahā atrāf ko jagā.e hue

sahar ki gunj se aawaza-e-jamal hua

so jagta raha atraf ko jagae hue

ayyām ke ġhubār se niklā to der tak

maiñ rāstoñ ko dhuul banā dekhtā rahā

ayyam ke ghubar se nikla to der tak

main raston ko dhul bana dekhta raha

rusvā agar na karnā thā aalam meñ yuuñ mujhe

aisī nigāh-e-nāz se dekhā thā kyuuñ mujhe

ruswa agar na karna tha aalam mein yun mujhe

aisi nigah-e-naz se dekha tha kyun mujhe