Today's top 5 Urdu Shayari

sīrat na ho to āriz-o-ruḳhsār sab ġhalat

ḳhushbū uḌī to phuul faqat rañg rah gayā

sirat na ho to aariz-o-ruKHsar sab ghalat

KHushbu uDi to phul faqat rang rah gaya

hazār ta.ane sunegā ḳhajil nahīñ hogā

ye vo hujūm hai jo mushta.il nahīñ hogā

hazar tane sunega KHajil nahin hoga

ye wo hujum hai jo mushtail nahin hoga

aa.ine meñ kahīñ gum ho ga.ī sūrat merī

mujh se miltī hī nahīñ shakl-o-shabāhat merī

aaine mein kahin gum ho gai surat meri

mujh se milti hi nahin shakl-o-shabahat meri

tere sāñche meñ Dhal gayā āḳhir

shahr saarā badal gayā āḳhir

tere sanche mein Dhal gaya aaKHir

shahr sara badal gaya aaKHir

vo jo qisse meñ thā shāmil vahī kahtā hai mujhe

mujh ko ma.alūm nahīñ yaar ye qissa kyā hai

wo jo qisse mein tha shamil wahi kahta hai mujhe

mujh ko malum nahin yar ye qissa kya hai